జనం న్యూస్ 08 ఆగస్టు 2026 జిల్లా బ్యూరో ఇన్చార్జి జోగులాంబ గద్వాల్ జిల్లా విష్ణు వర్ధన్ గౌడ్ : తెలంగాణ రాజ్యాధికార పార్టీ
జోగులాంబ గద్వాల జిల్లా కమిటీ జవహర్ నెట్టెంపాడు ఎత్తిపోతల పథకం పనులను యుద్ధ ప్రాతిపదికన పూర్తి చేయాలి ఐజ మండలంతో పాటు మొత్తం ఆయకట్టు రైతులకు శాశ్వత సాగునీరు అందేలా ప్రభుత్వం ప్రత్యేక కార్యాచరణ చేపట్టాలి
రూ.2,739 కోట్ల నిధులు మంజూరు చేయడం స్వాగతం పనులు పూర్తి చేయడంలో జాప్యం సహించరాదు– మొరుగు వీరేష్, జిల్లా అధ్యక్షులు, తెలంగాణ రాజ్యాధికార పార్టీ జోగులాంబ గద్వాల జిల్లాజోగులాంబ గద్వాల జిల్లా రైతుల దశాబ్దాల కల అయిన జవహర్ నెట్టెంపాడు ఎత్తిపోతల పథకం జై యన్ యల్ ఐ యస్ /జై యల్ ఐ పి ను ఇకపై మరింత ఆలస్యం చేయకుండా యుద్ధ ప్రాతిపదికన పూర్తి చేసి రైతులకు సాగునీటి ఫలాలు అందించాలని తెలంగాణ రాజ్యాధికార పార్టీ జోగులాంబ గద్వాల జిల్లా అధ్యక్షులు మొరుగు వీరేష్ రాష్ట్ర ప్రభుత్వాన్ని డిమాండ్ చేశారు. కృష్ణా జలాలను జూరాల జలాశయం నుంచి ఎత్తిపోసి గూడెందొడ్డి, ర్యాలంపాడు బ్యాలెన్సింగ్ రిజర్వాయర్ల ద్వారా జోగులాంబ గద్వాల జిల్లాతో పాటు ఆయకట్టు ప్రాంతాలకు సాగునీరు అందించాలనే లక్ష్యంతో నిర్మించిన ఈ ప్రాజెక్టులో ప్రధాన నిర్మాణాలు పూర్తయినప్పటికీ రైతులకు నేరుగా నీరు అందించే డిస్ట్రిబ్యూటరీలు, మైనర్లు ఫీల్డ్ ఛానెల్స్ భూసేకరణ వంటి కీలక పనులు ఇంకా పూర్తి కాకపోవడం వల్ల ప్రాజెక్టు పూర్తి ప్రయోజనం రైతులకు అందడం లేదన్నారు రాష్ట్ర ప్రభుత్వం ఇటీవల రూ.2,739 కోట్ల సవరించిన అంచనాలకు పరిపాలనా అనుమతి ఇవ్వడం స్వాగతించదగ్గ నిర్ణయమని, అయితే నిధుల మంజూరుతోనే ప్రభుత్వ బాధ్యత ముగిసిపోదని, వాటిని వేగంగా ఖర్చు చేసి పనులను నిర్ణీత గడువులో పూర్తి చేయడమే అసలు పరీక్ష అని పేర్కొన్నారు.ప్రత్యేకించి ఐజ మండలానికి సంబంధించిన ప్యాకేజీలు–100 మరియు 106 పనులు అత్యంత కీలకమైనవని, ఈ పనులు పూర్తయితే ఐజ మండలంలోని అనేక గ్రామాలకు శాశ్వత సాగునీటి సౌకర్యం కలుగుతుందని తెలిపారు. భూసేకరణ ఆలస్యం, ఫీల్డ్ ఛానెల్స్ అసంపూర్తి, డిస్ట్రిబ్యూటరీల నిర్మాణంలో జాప్యం కారణంగా రైతులు ఇప్పటికీ పూర్తి స్థాయిలో సాగునీరు పొందలేకపోతున్నారని ఆవేదన వ్యక్తం చేశారు.అందుబాటులో ఉన్న సమాచారం ప్రకారం ప్రాజెక్టు ప్రధాన నిర్మాణాలు పూర్తి అయినప్పటికీ, చివరి దశలోని పంపిణీ వ్యవస్థ పనులు ఇంకా మిగిలి ఉన్నాయని, సుమారు 75–80 శాతం పనులు పూర్తయి, 20–25 శాతం పనులు పెండింగ్‌లో ఉన్నట్లు అంచనా ఉందన్నారు. ఈ పెండింగ్ పనులే రైతులకు నీరు చేరకుండా అడ్డంకిగా మారాయని పేర్కొన్నారు.రాష్ట్ర ప్రభుత్వం వెంటనే చేపట్టాల్సిన చర్యలు రూ.2,739 కోట్ల నిధులను ఆలస్యం లేకుండా విడుదల చేయాలి.ప్యాకేజీలు–100, 106తో పాటు అన్ని పెండింగ్ పనులకు గడువుతో కూడిన కార్యాచరణ ప్రకటించాలి.ప్రతి నెల ముఖ్యమంత్రి లేదా ఇరిగేషన్ మంత్రి స్థాయిలో సమీక్ష నిర్వహించి పురోగతిని ప్రజలకు వెల్లడించాలి. భూసేకరణను వేగవంతం చేసి రైతులకు న్యాయమైన పరిహారాన్ని వెంటనే చెల్లించాలి పనులు నిర్లక్ష్యంగా నిర్వహిస్తున్న కాంట్రాక్టర్లపై కఠిన చర్యలు తీసుకోవాలి.ఇరిగేషన్ శాఖ బాధ్యతలుప్రతి వారం పనుల పురోగతిపై సమీక్ష నిర్వహించాలి.ప్రధాన కాలువలు డిస్ట్రిబ్యూటరీలు, మైనర్లు, ఫీల్డ్ ఛానెల్స్ పనులను సమాంతరంగా పూర్తి చేయాలి.
గ్రామాల వారీగా పనుల పురోగతిని ప్రజలకు వెల్లడించాలి.పనుల నాణ్యతపై స్వతంత్ర తనిఖీలు నిర్వహించి పారదర్శకత పాటించాలి.జిల్లా యంత్రాంగం బాధ్యతలుభూసేకరణ సమస్యలను ప్రత్యేక శిబిరాల ద్వారా వెంటనే పరిష్కరించాలి.
రైతులకు పరిహారం చెల్లింపులు ఆలస్యం కాకుండా చర్యలు తీసుకోవాలి.రెవెన్యూ, ఇరిగేషన్, విద్యుత్ తదితర శాఖల మధ్య సమన్వయాన్ని బలోపేతం చేయాలి.రైతులకు టి ఆర్ పి విజ్ఞప్తిభూసేకరణ ప్రక్రియలో సహకరించాలి.సమస్యలను శాంతియుతంగా, చట్టబద్ధంగా అధికారుల దృష్టికి తీసుకెళ్లాలి. రైతు సంఘాల ద్వారా పనుల పురోగతిపై నిరంతర పర్యవేక్షణ కొనసాగించాలిపూర్తయిన కాలువలను ఆక్రమణల నుంచి పరిరక్షించాలిజవహర్ నెట్టెంపాడు ఎత్తిపోతల పథకం పూర్తిస్థాయిలో అమలైతే జోగులాంబ గద్వాల జిల్లాలో వేలాది ఎకరాలకు శాశ్వత సాగునీరు అందడంతో పాటు భూగర్భ జలాలు పెరుగుతాయని, ద్విపంట సాగు విస్తరిస్తుందని, రైతుల ఆదాయం పెరిగి గ్రామీణ ఆర్థిక వ్యవస్థ బలోపేతం అవుతుందని మొరుగు వీరేష్ తెలిపారు.రైతుల ప్రయోజనాలే తెలంగాణ రాజ్యాధికార పార్టీ ప్రధాన లక్ష్యమని, జవహర్ నెట్టెంపాడు ఎత్తిపోతల పథకం పూర్తయ్యే వరకు టి ఆర్ పి రైతుల పక్షాన నిరంతరం పోరాటం కొనసాగిస్తుందని ఆయన స్పష్టం చేశారు. ప్రభుత్వం వెంటనే స్పందించి ప్యాకేజీలు–100, 106తో పాటు మొత్తం ప్రాజెక్టు పెండింగ్ పనులను యుద్ధ ప్రాతిపదికన పూర్తి చేయాలని ఈ సందర్భంగా ఆయన డిమాండ్ చేశారు.