జనం న్యూస్ 10 ఆగస్టు 2026 జిల్లా బ్యూరో ఇన్చార్జి జోగులాంబ గద్వాల్ జిల్లా విష్ణు వర్ధన్ గౌడ్ : డ్రగ్స్ మాఫియాపై ఉక్కుపాదం మోపాలి తల్లిదండ్రులు ఉపాధ్యాయులు అప్రమత్తంగా ఉండాలి టి ఆర్ పి జోగులాంబ గద్వాల జిల్లా అధ్యక్షులు మొరుగు వీరేష్ జోగులాంబ గద్వాల జిల్లాలో పాఠశాలలు కళాశాలల విద్యార్థులు మాదకద్రవ్యాల బారిన పడకుండా జిల్లా పోలీస్ యంత్రాంగం విద్యాశాఖ తల్లిదండ్రులు, ఉపాధ్యాయులు ప్రజాప్రతినిధులు సమన్వయంతో కఠిన చర్యలు చేపట్టాలని తెలంగాణ రాజ్యాధికార పార్టీ జోగులాంబ గద్వాల జిల్లా అధ్యక్షులు మొరుగు వీరేష్ డిమాండ్ చేశారు.పాఠశాలలు కళాశాలల పరిసరాల్లో డ్రగ్స్ అక్రమ విక్రయాలు సరఫరా వినియోగంపై ప్రత్యేక నిఘా ఏర్పాటు చేసి విద్యార్థులను మాదకద్రవ్యాల వైపు ఆకర్షిస్తున్న వ్యక్తులు మధ్యవర్తులు సరఫరాదారులపై చట్టపరంగా కఠిన చర్యలు తీసుకోవాలని కోరారువిద్యార్థుల భవిష్యత్తును నాశనం చేస్తున్న డ్రగ్స్ విద్యార్థి దశ జీవితానికి పునాది వేసే కీలకమైన సమయమని, అలాంటి వయస్సులో డ్రగ్స్ అలవాటు కావడం వారి భవిష్యత్తును పూర్తిగా దెబ్బతీసే ప్రమాదం ఉందని వీరేష్ పేర్కొన్నారు.డ్రగ్స్ కారణంగా విద్యార్థుల్లో ఏకాగ్రత జ్ఞాపకశక్తి నిర్ణయ సామర్థ్యం చదువుపై ఆసక్తి తగ్గడంతో పాటు పాఠశాలకు గైర్హాజరు కావడం చదువు మధ్యలోనే మానేయడం చెడు స్నేహాలకు లోనుకావడం వంటి పరిణామాలు ఏర్పడే అవకాశం ఉందన్నారుమాదకద్రవ్యాల వినియోగం కేవలం ఆరోగ్య సమస్య మాత్రమే కాదని అది కుటుంబ సామాజిక ఆర్థిక విద్యా చట్టపరమైన సమస్యగా మారుతుందని తెలిపారు.డాక్టర్ ప్రియాంక ఘటనపై ఆవేదనఇటీవల చోటుచేసుకున్న డాక్టర్ ప్రియాంక మరణ ఘటనపై వీరేష్ తీవ్ర ఆవేదన వ్యక్తం చేశారు డ్రగ్స్ మత్తులోనే వైద్య విద్యార్థిని డాక్టర్ ప్రియాంకపై దాడి చేసి ఆమె ప్రాణాలను బలిగొన్నారనే ఆరోపణలు వెలువడుతున్న నేపథ్యంలో ఈ ఘటనలో డ్రగ్స్ పాత్రపై కూడా సమగ్ర దర్యాప్తు జరిపి వాస్తవాలను వెలుగులోకి తీసుకురావాలని ఆయన డిమాండ్ చేశారు.యువతను మాదకద్రవ్యాలకు బానిసలుగా మార్చి చివరకు నేరాలకు హింసకు దారి తీస్తున్న డ్రగ్స్ మాఫియాపై కఠిన చర్యలు తీసుకోకపోతే భవిష్యత్తులో మరిన్ని విషాద ఘటనలు చోటుచేసుకునే ప్రమాదం ఉందని హెచ్చరించారు.డ్రగ్స్ మాఫియాపై ప్రత్యేక నిఘా అవసరం జోగులాంబ గద్వాల జిల్లాలో పాఠశాలలు కళాశాలలు హాస్టళ్లు యువత ఎక్కువగా సంచరించే ప్రాంతాలపై ప్రత్యేక నిఘా ఏర్పాటు చేయాలని వీరేష్ కోరారు.డ్రగ్స్ ఎక్కడి నుంచి జిల్లాలోకి వస్తున్నాయి ఎవరు సరఫరా చేస్తున్నారు ఎవరు మధ్యవర్తులుగా వ్యవహరిస్తున్నారు విద్యార్థులను ఎవరు లక్ష్యంగా చేసుకుంటున్నారు అనే అంశాలపై పోలీసులు లోతైన దర్యాప్తు నిర్వహించాలన్నారు.చిన్న స్థాయి వినియోగదారులపై మాత్రమే దృష్టి పెట్టకుండా డ్రగ్స్ సరఫరా వెనుక ఉన్న ప్రధాన వ్యక్తులు నెట్‌వర్క్‌లు ఆర్థిక మూలాలను గుర్తించి చర్యలు తీసుకోవాలని కోరారు తల్లిదండ్రులు పూర్తి బాధ్యత తీసుకోవాలిజోగులాంబ గద్వాల జిల్లాలో డ్రగ్స్ మాఫియాపై నిఘా ఉంచడంలో తల్లిదండ్రులు కూడా పూర్తి బాధ్యత తీసుకోవాలని వీరేష్ పిలుపునిచ్చారు.పిల్లల ప్రవర్తనలో అకస్మాత్తుగా మార్పులు రావడం చదువుపై ఆసక్తి తగ్గడం పాఠశాలకు తరచుగా గైర్హాజరు కావడం అనుమానాస్పద వ్యక్తులతో స్నేహం, తరచూ డబ్బులు అడగడం వంటి అంశాలను తల్లిదండ్రులు గమనించాలని సూచించారు.పిల్లలపై అనుమానం వచ్చినప్పుడు వారిని నిందించడం లేదా శిక్షించడం కాకుండా స్నేహపూర్వకంగా మాట్లాడి అసలు సమస్యను తెలుసుకోవాలని, అవసరమైతే ఉపాధ్యాయులు కౌన్సిలర్లు వైద్య నిపుణుల సహాయం తీసుకోవాలని సూచించారు.డ్రగ్స్ సరఫరా లేదా విక్రయానికి సంబంధించిన సమాచారం తెలిసిన వెంటనే తల్లిదండ్రులు భయపడకుండా పోలీసులకు సమాచారం అందించాలని నేరస్థులను కాపాడే ప్రయత్నం చేయకుండా సామాజిక బాధ్యతతో వ్యవహరించాలని కోరారు.ఉపాధ్యాయుల పాత్ర కీలకంపాఠశాలలు కళాశాలల్లో ఉపాధ్యాయులు విద్యార్థుల ప్రవర్తనపై నిరంతరం దృష్టి పెట్టాలని వీరేష్ అన్నారు.విద్యార్థుల్లో డ్రగ్స్ దుష్ప్రభావాలపై అవగాహన కల్పించడంతో పాటు కౌన్సెలింగ్ కార్యక్రమాలు నిర్వహించాలని విద్యార్థులు తమ సమస్యలను స్వేచ్ఛగా చెప్పుకునే వాతావరణాన్ని విద్యాసంస్థల్లో కల్పించాలని కోరారు.డ్రగ్స్‌కు బానిసైన విద్యార్థులను నేరస్థులుగా ముద్ర వేయకుండా వారి భవిష్యత్తును కాపాడే విధంగా కౌన్సెలింగ్ వైద్య చికిత్స పునరావాస చర్యలు చేపట్టాలని సూచించారు.
డ్రగ్స్ వ్యాపారులపై కఠిన చర్యలు తీసుకోవాలి డ్రగ్స్ విక్రయించే వారు సమాజానికి ముఖ్యంగా యువతకు అత్యంత ప్రమాదకరమని వీరేష్ పేర్కొన్నారు.పాఠశాలలు కళాశాలల పరిసరాల్లో మాదకద్రవ్యాల విక్రయాలు జరిపే వారిపై ప్రత్యేక కేసులు నమోదు చేసి చట్టప్రకారం కఠిన చర్యలు తీసుకోవాలని డిమాండ్ చేశారు.డ్రగ్స్ వ్యాపారం ద్వారా అక్రమంగా సంపాదిస్తున్న ఆస్తులు ఆర్థిక లావాదేవీలపై కూడా దర్యాప్తు జరగాలని పెద్ద స్థాయి సరఫరాదారులను గుర్తించి వారి నెట్‌వర్క్‌ను పూర్తిగా ఛేదించాలని కోరారు సమాజం మొత్తం భాగస్వామి కావాలి డ్రగ్స్ నిర్మూలన కేవలం పోలీస్ శాఖ బాధ్యత కాదని, ప్రతి కుటుంబం ప్రతి పాఠశాల ప్రతి గ్రామం ప్రతి కాలనీ బాధ్యతగా తీసుకోవాలని వీరేష్ అన్నారు.వతను క్రీడలు విద్య, సాంస్కృతిక కార్యక్రమాలు నైపుణ్యాభివృద్ధి ఉపాధి అవకాశాల వైపు మళ్లించేందుకు ప్రభుత్వంతో పాటు స్వచ్ఛంద సంస్థలు యువజన సంఘాలు ముందుకు రావాలని కోరారు.డ్రగ్స్‌కు వ్యతిరేకంగా గ్రామస్థాయిలో అవగాహన కార్యక్రమాలు నిర్వహించి విద్యార్థులకు మాదకద్రవ్యాల వల్ల కలిగే శారీరక మానసిక సామాజిక ఆర్థిక నష్టాలను వివరించాలని సూచించారు టి ఆర్ పి డిమాండ్లుతెలంగాణ రాజ్యాధికార పార్టీ తరఫున ప్రభుత్వం పోలీస్ యంత్రాంగం ముందు వీరేష్ పలు డిమాండ్లు ఉంచారు పాఠశాలలు కళాశాలల పరిసరాల్లో డ్రగ్స్ విక్రయాలపై ప్రత్యేక నిఘా ఏర్పాటు చేయాలి డ్రగ్స్ సరఫరా చేసే ప్రధాన నెట్‌వర్క్‌లను గుర్తించి కఠిన చర్యలు తీసుకోవాలి విద్యార్థులకు నిరంతరం డ్రగ్స్ వ్యతిరేక అవగాహన కార్యక్రమాలు నిర్వహించాలి ప్రతి విద్యాసంస్థలో కౌన్సెలింగ్ వ్యవస్థను బలోపేతం చేయాలి.తల్లిదండ్రులు ఉపాధ్యాయుల కు డ్రగ్స్ గుర్తింపు నివారణపై అవగాహన కల్పించాలిడ్రగ్స్‌కు బానిసైన విద్యార్థులకు చికిత్స కౌన్సెలింగ్ పునరావాసం అందించాలి. డ్రగ్స్ అక్రమ రవాణా వెనుక ఉన్న ఆర్థిక నెట్‌వర్క్‌లను గుర్తించి చట్టపరమైన చర్యలు తీసుకోవాలి. డాక్టర్ ప్రియాంక మరణ ఘటనలో డ్రగ్స్ పాత్రపై సమగ్ర దర్యాప్తు జరిపి వాస్తవాలను వెల్లడించాలి.జోగులాంబ గద్వాల జిల్లాలో డ్రగ్స్ సరఫరా, విక్రయాలపై ప్రత్యేక నిఘా వ్యవస్థను ఏర్పాటు చేయాలి.డ్రగ్స్‌కు దూరంగా విద్యకు దగ్గరగా అనే నినాదంతో తల్లిదండ్రులు ఉపాధ్యాయులు పోలీసులు ప్రజాప్రతినిధులు యువత కలిసి పనిచేస్తేనే డ్రగ్స్ మహమ్మారిని అరికట్టగలమని టి ఆర్ పి జోగులాంబ గద్వాల జిల్లా అధ్యక్షులు మొరుగు వీరేష్ పేర్కొన్నారు నేటి విద్యార్థులను డ్రగ్స్ నుంచి కాపాడటం అంటే రేపటి సమాజాన్ని దేశ భవిష్యత్తును కాపాడటమేనని ఆయన స్పష్టం చేశారు