– ప్రజల భద్రతకు మరో ముందడుగు

బిచ్కుంద ఆగస్టు 7 జనం న్యూస్ కామారెడ్డి జిల్లా పోలీస్ సూపరింటెండెంట్ (SP) ఆదేశాల మేరకు, బిచ్కుంద మండలంలోని పుల్కల్ గ్రామంలో డీఎస్పీ ఆధ్వర్యంలో, బిచ్కుంద సీఐ మరియు బిచ్కుంద ఎస్‌ఐ సమక్షంలో గ్రామ సర్పంచ్ శ్రీ సంతోష్ పటేల్, వార్డు సభ్యులు, గ్రామ పెద్దలు మరియు గ్రామ ప్రజల సహకారంతో మొత్తం 28 సీసీ కెమెరాలను ఏర్పాటు చేయడం జరిగింది.గ్రామంలోని ప్రధాన రహదారులు, కూడళ్లు, ప్రవేశ మరియు నిష్క్రమణ మార్గాలతో పాటు ముఖ్యమైన ప్రాంతాలను పూర్తిగా కవర్ చేసే విధంగా ఈ కెమెరాలను ఏర్పాటు చేశారు.సీసీ కెమెరాల ప్రాముఖ్యత: సీసీ కెమెరాలు నేరాల నివారణలో కీలక పాత్ర పోషిస్తాయి. దొంగతనాలు, గొడవలు, ప్రమాదాలు మరియు ఇతర నేర సంఘటనలను గుర్తించి నిందితులను త్వరగా పట్టుకోవడంలో ఇవి ఎంతో ఉపయోగపడతాయి. అదేవిధంగా ట్రాఫిక్ నియంత్రణ, ప్రజల భద్రత, మహిళలు మరియు వృద్ధుల రక్షణ, అత్యవసర పరిస్థితుల్లో వేగంగా స్పందించేందుకు కూడా సీసీ కెమెరాలు ఎంతో దోహదపడతాయి. ప్రతి గ్రామం సీసీ కెమెరాల నిఘాలో ఉంటే నేరాల నియంత్రణ మరింత సమర్థవంతంగా జరుగుతుంది.ఈ సందర్భంగా డీఎస్పీ గారు గ్రామ ప్రజలకు ట్రాఫిక్ నిబంధనలు, సైబర్ నేరాల నివారణ, మత్తు పదార్థాల దుష్ప్రభావాలు గురించి అవగాహన కల్పించి, ప్రతి ఒక్కరూ చట్టాలను పాటిస్తూ పోలీసు శాఖకు సహకరించాలని కోరారు.ఈ కార్యక్రమంలో గ్రామ సర్పంచ్ శ్రీ సంతోష్ పటేల్, వార్డు సభ్యులు, గ్రామ పెద్దలు, గ్రామ ప్రజలు, పోలీసు అధికారులు మరియు సిబ్బంది పాల్గొన్నారు.