జనం న్యూస్ ;4 సెప్టెంబర్ శుక్రవారం ; సిద్దిపేట నియోజికవర్గ ఇన్చార్జ్ వై.రమేష్ తెలంగాణ అస్తిత్వం: శ్రీ కృష్ణ జన్మాష్టమి పండుగను పురస్కరించుకుని రుస్తుం ఆర్ట్ గ్యాలరీలో నేడు గురువారం "కృష్ణాష్టమి" క్యాన్వాస్ చిత్రాన్ని అంతర్జాతీయ చిత్రకారులు రుస్తుం ఆవిష్కరించారు. అందరికి శ్రీకృష్ణ జన్మాష్టమి శుభాకాంక్షలు తెలియజేస్తూ, పండుగలుసంస్కృతి సంప్రదాయాలను కళావంతం చేస్తాయన్నారు, శ్రీకృష్ణ జన్మాష్టమి పండుగ భారతీయులు జరుపుకునే ముఖ్య పండుగ. శ్రీకృష్ణ బోధనలే "భగవత్ గీతా" హిందూ మతం పవిత్ర గ్రంధం సృష్టి కర్త శ్రీకృష్ణుని జన్మదినమే శ్రీకృష్ణ జన్మాష్టమి. భగవత్ గీతా సారం ఒంటపట్టించుకుంటే ప్రపంచంలో ఎలాంటి కొట్లాటలు ఉండవు. స్వార్థం గర్వం అహంకారం ఆవరిస్తే ఉన్మాదం మనిషిని దుర్మార్గునిగా మారుస్తుందని భగవత్ గీత నొక్కివక్కాణించు చున్నది.శ్రీకృష్ణుని బోధనలు ప్రతిఒక్కరికి కనువిప్పు కావాలని అందరు సుఖశాంతులతో ఐకమత్యంగా భిన్నత్వంలో ఏకత్వంగా బతకాలని, తెలంగాణ రాష్ట్రం అన్నింటా ముందుండి భారతదేశం ప్రపంచానికే మార్గదర్శనం కావాలని మానవతా చిత్రకారులు రుస్తుం ఆకాక్షించారు. కార్యక్రమంలో ఆర్ ఏ ఎఫ్ అధ్యక్షురాలు జులేఖరుస్తుం, నైరూప్య చిత్రకారుడు నహీంరుస్తుం, అసిస్టెంట్ ప్రొఫెసర్ రూబీనారుస్తుం, మొహ్మద్ సాధిక్ ఎండి రహీమ్ తదితరులు పాల్గొన్నారు.