జనం న్యూస్ | జూలై 31 | తెలంగాణ స్టేట్ ఇంచార్జ్: శ్రీనివాస్ రెడ్డి ; హైదరాబాద్: ప్రజా సేవకు జీవితాన్ని అంకితం చేసిన పోలీస్ అధికారులకు గౌరవప్రదంగా వీడ్కోలు పలుకుతూ సైబరాబాద్ పోలీస్ కమిషనరేట్ శుక్రవారం ప్రత్యేక కార్యక్రమాన్ని నిర్వహించింది. సైబరాబాద్ పోలీస్ కమిషనరేట్ కార్యాలయంలోని ఆడిటోరియంలో జరిగిన ఈ కార్యక్రమంలో పదవీ విరమణ పొందిన ఏడుగురు పోలీస్ అధికారులను ఘనంగా సన్మానించి, వారి సేవలను కొనియాడారు.ఈ కార్యక్రమానికి సైబరాబాద్ పోలీస్ కమిషనర్ డా. ఎం. రమేష్, ఐపీఎస్ అధ్యక్షత వహించారు. ఈ సందర్భంగా ఆయన మాట్లాడుతూ, పదవీ విరమణ పొందిన అధికారులు తమ సుదీర్ఘ సేవా కాలంలో ప్రజలకు, పోలీస్ శాఖకు విశిష్ట సేవలు అందించారని ప్రశంసించారు. శాంతిభద్రతల పరిరక్షణ, నేర నియంత్రణ, ప్రజా భద్రతతో పాటు శాఖ అభివృద్ధికి వారు చేసిన సేవలు చిరస్మరణీయమని పేర్కొన్నారు.పదవీ విరమణ అనంతరం కుటుంబ సభ్యులతో ఆనందంగా, ఆరోగ్యంగా జీవించాలని ఆకాంక్షించిన కమిషనర్, తమ అనుభవాన్ని సమాజ శ్రేయస్సు కోసం వినియోగించాలని సూచించారు. ఈ సందర్భంగా విరమణ పొందిన అధికారులకు జ్ఞాపికలు అందజేసి ఘనంగా సత్కరించారు.ఈ కార్యక్రమంలో డీసీపీ (అడ్మిన్) టి. అన్నపూర్ణ, స్పెషల్ బ్రాంచ్ డీసీపీ వై.వి.ఎస్. సుధీంద్ర, సైబర్ క్రైమ్ డీసీపీ కె. పుష్ప, డీసీపీ (కార్ హెడ్‌క్వార్టర్స్) పి. సంజీవ్, ఏడీసీపీ షమీర్, సీఏఓ (అకౌంట్స్) వెంకట్ రెడ్డి, ఏఓ (అడ్మిన్) వై.వి.ఎస్. జ్యోతిర్మణి, ఎస్టేట్ ఆఫీసర్ ఆర్‌ఐ హిమాకర్, కో-ఆపరేటివ్ సొసైటీ ఇన్‌చార్జి ఎస్‌ఐ జి. మల్లేశం తదితరులు పాల్గొని విరమణ పొందిన అధికారులకు శుభాకాంక్షలు తెలియజేశారు.ఈ సందర్భంగా విరమణ పొందిన అధికారుల కుటుంబ సభ్యులు, సహచర అధికారులు పాల్గొని కార్యక్రమాన్ని ఆత్మీయ వాతావరణంలో నిర్వహించారు.పదవీ విరమణ పొందిన అధికారులు:ఎస్‌ఐ ఆర్. కిషన్ సింగ్ – మొయినాబాద్ పోలీస్ స్టేషన్ ,ఎస్‌ఐ ఎల్. రాజేశ్వర్ – షాద్‌నగర్ పోలీస్ స్టేషన్ ,ఆర్‌ఎస్‌ఐ మహమ్మద్ అబ్దుల్ ఖాదీర్ – సీఏఆర్ హెడ్‌క్వార్టర్స్,ఆర్‌ఎస్‌ఐ మహమ్మద్ మక్సూద్ ఘౌరీ – సీఏఆర్ హెడ్‌క్వార్టర్స్,ఆర్‌ఎస్‌ఐ మహమ్మద్ అబ్దుల్ జలీల్ – సీఏఆర్ హెడ్‌క్వార్టర్స్,ఎస్‌ఐ మహమ్మద్ నూర్ ఉద్దీన్ – ఆర్‌జీఐఏ ట్రాఫిక్ పోలీస్ స్టేషన్,హెడ్ కానిస్టేబుల్ గెనుగుల రమేష్ – రాజేంద్రనగర్ పోలీస్ స్టేషన్ ,పోలీస్ శాఖలో విశిష్ట సేవలు అందించిన ఈ అధికారుల సేవలను అధికారులు, సహచర సిబ్బంది స్మరించుకుంటూ వారికి ఘనంగా వీడ్కోలు పలికారు.