(జనం న్యూస్) మార్చి 5 కల్లూరు మండలం రిపోర్టర్: జర్నలిస్టులపై భౌతికంగా, మానసికంగా సోషల్ మీడియా వేదికను చేసుకొని దాడులకు పాల్పడుతున్న చోట నాయకులపై చర్యలు తీసుకోవాలని పట్టణ ఎస్ఐ డి హరితకు కల్లూరు మండల జర్నలిస్టు సంఘాలు ఫిర్యాదు చేశాయి. గత కొద్ది రోజులుగా సోషల్ మీడియా వేదికగా పలువురు వ్యక్తులు జర్నలిస్టులపై అనుచిత వ్యాఖ్యలు చేస్తూ జర్నలిస్టుల మనోభావాలను దెబ్బతీసే విధంగా ప్రవర్తిస్తున్నారని తెలిపారు. జర్నలిస్టులను అక్షర జ్ఞానం లేని వారని, అర్ధ జ్ఞానంతో మేధావుల ఫోజులు కొడుతున్నారని, ఎవడ్రా మీకు జర్నలిజం నేర్పిందని, చెత్త లం… కొడకా..! అని అసభ్య పదజాలంతో దూషిస్తున్నారని, గతంలో పలువురు జర్నలిస్టులను చంపేస్తామని బెదిరించి భయబ్రాంతులకు గురి చేశారు. ఇలాంటి పరిస్థితులు పునరావృతం కాకుండా పోలీసు వారు విచారణ జరిపి జర్నలిస్టులకు రక్షణ కల్పించాలని కోరారు. ఈ కార్యక్రమంలో కల్లూరు మండల జర్నలిస్టులు పాల్గొన్నారు.