జమ్మికుంట కాంగ్రెస్ పార్టీ పట్టణ అధ్యక్షులు సుంకరి రమేష్..

జనం న్యూస్ // ఏప్రిల్ // 4 // జమ్మికుంట // కుమార్ యాదవ్..

ఎఐసిసి మరియు టిపిసిసి పిలుపు మేరకు నేడు హుజురాబాద్ నియోజకవర్గంలో కాంగ్రెస్ పార్టీ ఇంచార్జ్ వొడితల ప్రణవ్ బాబు దిశా నిర్దేశం తో జమ్మికుంట పట్టణ కాంగ్రెస్ అధ్యక్షులు సుంకరి రమేష్ ఆధ్వర్యంలో, జమ్మికుంట మున్సిపాలిటీ పరిధిలోని ధర్మారం లో ఒకటో వార్డు రెండో వార్డు లో రాజ్యాంగ పరిరక్షణ పాదయాత్ర చేపట్టడం జరిగింది.ఇ సందర్భంగా జమ్మికుంట కాంగ్రెస్ పట్టణ అధ్యక్షులు మాట్లాడుతూ..అహింసా పద్ధతిలో పోరాటం చేస్తూ ప్రపంచానికి ఆదర్శంగా నిలిచి స్వాతంత్రం సిద్ధింపచేసిన మహాత్మా గాంధీతో పాటు ప్రజల స్వేచ్ఛ సమానత్వం కోసం రాజ్యాంగం ‌రచించిన అంబేద్కర్ ని, ‌బిజెపి ఆర్ఎస్ఎస్‌ అవమాన పరుస్తున్నాయని మండిపడ్డారు. పార్లమెంట్ సాక్షిగా కేంద్ర హోంశాఖ మంత్రి అమిత్ షా అంబేద్కర్ కు ‌వ్యతిరేకంగా‌ ‌చేసిన వ్యాఖ్యలే ఇందుకు నిదర్శనం అన్నారు.. మహనీయుల ఆశయాలను కాపాడటంతో పాటు ప్రజలకు స్వేచ్ఛను ప్రసాదించిన రాజ్యాంగాన్ని పరిరక్షించడానికి కాంగ్రెస్ అగ్రనేత లోకసభ ప్రతిపక్ష నేత రాహుల్ గాంధీ‌ ఆధ్వర్యంలో ‌ కాంగ్రెస్ పార్టీ‌ దేశవ్యాప్తంగా జై బాపు,జై భీమ్,జై సంవిధాన్ అభియాన్ ర్యాలీ నిర్వహిస్తుందన్నారు. రాజ్యాంగ విలువలను కాపాడడానికి ప్రజల హక్కులను పరిరక్షించడానికి దేశవ్యాప్తంగా అన్ని పట్టణాలు గ్రామాలలో సామాజిక న్యాయం ఐక్యత కల్పించే ప్రధాన ఉద్దేశంతో రాజ్యాంగ పరిరక్షణ రాష్ట్రీయ పాదయాత్ర చేస్తున్నామని అన్నారు. ఈ పాదయాత్ర ద్వారా ‌ రాజ్యాంగ గొప్పతనాన్ని ప్రజలకి తెలియజేయడంతో పాటు మహనీయులను స్మరించేందుకు వారు చేసిన సేవలోను నేటి తరానికి‌ తెలియజేయపరిచే ఉద్దేశంతో‌ ఈ బృహత్తర కార్యక్రమాన్ని‌ నిర్వహిస్తున్నామని తెలిపారు. ఈ కార్యక్రమంలో మార్కెట్ కమిటీ వైస్ చైర్మన్ ఎర్రం సతీష్ రెడ్డి, ఇల్లంతకుంట దేవస్థాన మాజీ చైర్మన్ దేశిని కోటి, మాజీ కౌన్సిలర్లు బొంగోని వీరన్న, మారేపల్లి బిక్షపతి, పొనగంటి మల్లయ్య, తో పాటు మహిళా కాంగ్రెస్ అధ్యక్షురాలు పూదరి రేణుక శివకుమార్ గౌడ్, యూత్ కాంగ్రెస్ అధ్యక్షులు బుడిగ శ్రీకాంత్ కాంగ్రెస్ పార్టీ నాయకులు పాత సత్యం, ఎండి సలీం, పోతుల శ్రీనివాస్, ఎండి సంజు, పాతకాల అనిల్, పంజాల అజయ్, దొడ్డే నవీన్, రాజకుమార్, మైస మహేందర్, మేడి మహేందర్, విజయ్, మారేపల్లి ఆంజనేయులు, దామోదర్ తదితరులు పాల్గొన్నారు.