జనం న్యూస్ ఏప్రిల్ 06 సంగారెడ్డి జిల్లా

పటాన్ చేరు మండలం రామేశ్వరం బండ వికర్ సెక్షన్ కాలనీలో గల హనుమాన్ దేవాలయంలో శ్రీరామనవమి పర్వదినం పురస్కరించుకొని ఆలయాల్లో చలువ పందిర్లు వేసి శ్రీ కోదండ సీతారామ కళ్యాణం అంగరంగ వైభవంగా కన్నుల విందుగా రామేశ్వరం బండ మాజీ ఎంపీపీ అంతిరెడ్డి ఆధ్వర్యంలో నిర్వహించారు. విద్యుత్ కాంతులతో ముస్తాబు చేసిన ఆలయ కమిటీ సభ్యులు సీతారామ కళ్యాణానికి ప్రత్యేక ఏర్పాట్లు చేశారు. సీతారాముల కల్యాణానికి రామేశ్వరం బండ మాజీ ఎంపీటీసీ అంత్ రెడ్డి దంపతులు స్వామివారికి పట్టు వస్త్రాలను సమర్పించారు. మధ్యాహ్నం 12 గంటలకు అభిజిత్ లగ్న సుముహూర్తమున భాజా భజంత్రీలు, వేదమంత్రాలు, ముత్యాల తలంబ్రాలతో సీతారాముల కళ్యాణాన్ని ఎంతో కమనీయంగా వేద పండితుల మంత్రోచ్ఛారణలతో ఘనంగా నిర్వహించారు. స్వామి వారి కళ్యాణాన్ని తిలకించేందుకు కాలనీవాసులు పెద్ద ఎత్తున తరలివచ్చిన భక్తులు సీతారాములకు ప్రత్యేక పూజలు చేసి మొక్కులు చెల్లించుకున్నారు. స్వామి వారి కళ్యాణ అనంతరం అన్నదాన కార్యక్రమo లో భక్తులు పెద్ద ఎత్తున పాల్గొని తీర్థ ప్రసాదాలు స్వీకరించారు. దీంతో రామేశ్వరం బండ గ్రామం ఆధ్యాత్మిక వాతావరణం చోటు చేసుకుంది. ఈ కార్యక్రమంలో భక్తులు అధిక సంఖ్యలో పాల్గొని శ్రీ సీతారామ కళ్యాణాన్ని తిలకించి తీర్థ ప్రసాదాలు స్వీకరించారు.