జనం న్యూస్ జూన్ 26 ముమ్మిడివరం ప్రతినిధి గ్రంధి నానాజీ

అమలాపురానికి చెందిన దాత నిమ్మకాయల సత్యనారాయణ సహకారంతో తిరుమల లోని టీటీడీ ఉద్యోగులకు 2000 హెల్మెట్ లను టీటీడీ చైర్మన్ బీఆర్ నాయుడు పంపిణీ చేసారు . తిరుమలలోని చైర్మన్ అతిథిగృహంలో జరిగిన కార్యక్రమంలో ఉద్యోగుల భద్రత నేపథ్యంలో ఈ కార్యక్రమం నిర్వహించారు . అమలాపురంకు చెందిన వ్యాపారవేత్త , దాత నిమ్మకాయల సత్యనారాయణ 15 లక్షల రూపాయిల వ్యయంతో ఈ హెల్మెట్ లను సమకూర్చి టీటీడీకి అందజేసారు . టీటీడీలోని వాహనాలు నడిపే 10 వేల మంది ఉద్యోగులకు వారి భద్రతలో భాగంగా హెల్మెట్ లను ఉచితంగా అందించాలని భావించామని.. ఈ కార్యక్రమానికి పెద్దమనస్సుతో నిమ్మకాయల సత్యనారాయణ సహకరం అందించడం పట్ల చైర్మన్ కృతజ్ఞతలు తెలిపారు . మరిన్ని సేవాకార్యక్రమలతో దాత ముందు ప్రయాణం చేయాలని కోరారు . తిరుమలలో తనకు శ్రీవారి సేవను వివిధ రూపాల్లో చేసుకొనే అదృష్టాన్ని ప్రసాదించిన చైర్మన్ బీఆర్ నాయుడికి , అధికారులకు , పాలక మండలికి , కార్యక్రమానికి సహకరించిన నాగేంద్ర ప్రసాద్ కి దాత సత్యనారాయణ కృతజ్ఞతలు తెలిపారు .