జనంన్యూస్. 07. నిజామాబాదు. ప్రతినిధి.

వినూత్న కార్యక్రమాన్ని ప్రారంభించిన పోలీస్ కమిషనర్.*

మహిళా పోలీస్ సిబ్బందికి స్కిల్స్ డెవలప్మెంట్

ప్రస్తుత సమాజంలో మారుతున్న పరిస్థితులకు అనుగుణంగా శాంతిభద్రతలకు విఘాతం కలిగించే వారిపై మరియు ధర్నా లు, రాస్తారోకోలు, నిరసన కార్యక్రమములు , భవిష్యత్తు లో వచ్చే ఎన్నికలను మొదలగునవి దృష్టిలో పెట్టుకొని మహిళా సిబ్బంది తీసుకోవలసినటువంటి జాగ్రత్తల గురించి నేర్చుకోవడానికి నిజామాబాద్ పోలీస్ కమిషనర్ శ్రీ పి. సాయి చైతన్య, ఐ.పీ.ఎస్., గారు వినూత్న కార్యక్రమాన్ని ప్రారంభించడం జరిగింది. ఈ కార్యక్రమంలో మహిళలు తెలుసుకోవలసిన నూతనమైనటువంటి స్కిల్స్ / టెక్నీక్స్ జాగ్రత్తలు మరియు మహిళలకు తమపై తమకు ఆత్మవిశ్వాసం పెంపొందించుకోవడానికి కావలసిన శిక్షణ గురించి నేర్పించబడును. ప్రతి మహిళా సిబ్బంది తప్పకుండా డ్రైవింగ్ నేర్చుకోవడం స్విమ్మింగ్ నేర్చుకోవడం ప్రస్తుత పరిస్థితులకు అనుగుణముగా అన్ని రకాల మెలకువలను నేర్చుకొని తర్ఫీదు పొందే విధంగా తీర్చిదిద్దడానికి ఈ యొక్క కార్యక్రమాన్ని నిర్వహించడం జరిగింది .ఈ సందర్భంగా పోలీస్ కమిషనర్ గారు మాట్లాడుతూ మహిళల నిరసన కార్యక్రమాలు నిర్వహించే సమయంలో ప్రతి మహిళా సిబ్బంది ఏవిధంగా తమ విధులు నిర్వహించాలో మరియు ఏ విధంగా అట్టి మహిళలను తరలించాలో వీటి గురించి తీసుకోవలసిన జాగ్రత్తలు / స్కిల్స్ / టెక్నీక్స్ కోసం , ప్రతి ఒక్కరికి ఈ శిక్షణ కాలంలో నేర్పించడం జరుగుతుందని , ఈ శిక్షణను ప్రతి మహిళా సిబ్బంది సద్వినియోగం చేసుకోవాలని తెలియజేశారు. ఈ శిక్షణ వారం రోజులపాటు ఉంటుందని కొత్త రకాల పద్ధతులను తెలుసుకోవాలని తెలియజేశారు ఈ శిక్షణను ప్రభుత్వ స్కూళ్లలో పి.ఈ.టిలు / P. D లుగా ఉన్నటువంటి రెజ్లింగ్ , జూడో లలో జాతీయ పతకాలు తీసుకున్నటువంటి టీచర్ల ద్వారా శిక్షణ ఇవ్వడం జరుగుతుందని తెలియజేశారు. ఈ కార్యక్రమంలో నిజామాబాద్ అదనపు డీసీపీ (ఏ ఆర్ ) శ్రీ రామ చంద్రరావు , నిజామాబాద్ ఏసిపి శ్రీ రాజా వెంకట్ రెడ్డి , రిజర్వ్ ఇన్స్పెక్టర్లు శ్రీ సతీష్ , శ్రీ శేఖర్ బాబు, ప్రభుత్వ స్కూళ్లకు చెందిన సంతోషి రుద్రూర్ హై స్కూల్, అనిత గుండారం జెడ్పిహెచ్ఎస్ స్కూల్, రజని దేగం జడ్పిహెచ్ఎస్ స్కూల్ తదితరులు పాల్గొనడం జరిగింది.