జనం న్యూస్ జూలై 24 ముమ్మిడివరం ప్రతినిధి

అంగన్వాడీ ఉద్యోగులకు జైలు శిక్ష విధి నిర్వహణలో నిర్లక్ష్యంగా వ్యవహరించిన అంగన్వాడీ ఉద్యోగులకు కోర్టు జైలు శిక్ష విధించింది. కాట్రేనికోన ఎస్ఐ అవినాష్ తెలిపిన వివరాల ప్రకారం వెంట్రు శ్రీరమణ ( అంగన్వాడీ టీచర్) రేవు నాగమణి( అంగన్వాడి ఆయా ) లకు ముమ్మిడివరం కోర్టు న్యాయమూర్తి మహమ్మద్ రహమతుల్లా శిక్ష విధించారు. మూడు సంవత్సరాల వయసు గల అబ్బాయి అంగన్వాడిలో చదువుకుంటూ పక్కనే ఉన్న పంట కాలువలో పడి మృతి చెందిన కేసులోఒక్కొక్కరికి ఒక సంవత్సరం జైలు శిక్ష, రూ 5 వేల రూపాయలు జరిమానా విధించారు. ప్రాసిక్యూషన్ తరపున దాసరి నాగరాజు వాదనలు వినిపించారు. అప్పటి ఎస్ ఐ పి సత్యనారాయణ రెడ్డి కేసు నమోదు చేసి దర్యాప్తు చేశారు.