మద్దూర్ జులై 4 జనం న్యూస్

కామారెడ్డి జిల్లా మద్నూర్ మండలం హన్డే కేలూరూ గ్రామంలో సోయాబీన్ పంటపై క్షేత్ర శిక్షణ కార్యక్రమం నిర్వహించడం జరిగింది. నేషనల్ మిషన్ ఎడిబుల్ ఆయిల్ (NMEO) పథకం కింద DSB34 రకం సోయాబీన్ విత్తనాలు రైతులకు సరఫరా చేయడం జరిగింది.అందులో భాగంగా ఈరోజు క్షేత్ర శిక్షణ కార్యక్రమం నిర్వహించి రైతులకు సోయాబీన్ పంటల మీద ప్రస్తుత పంట యాజమాన్య పద్ధతులు వివరించడం జరిగింది.
ఈ కార్యక్రమంలో మండల వ్యవసాయ అధికారి రాజు సోయాబీన్ పంటలలో తీసుకోవాల్సిన జాగ్రత్తలు రైతులకు సూచించడం జరిగింది.అలాగే సోయాబీన్ వేసిన పంట పొలాలను క్షేత్ర స్థాయిలో పరిశీలించి , పొగాకు లద్దె పురుగు గమనించి తగు నివారణ చర్యలు తెలపడం జరిగినది.ఈ కార్యక్రమంలో ఎఫ్ పి ఓ చైర్మన్ చట్లవర్ గోపాల్, ఏఈ వో సరోజ, మాజీ సర్పంచ్ హన్మండ్లు , మాజీ ఎంపీటీసీ విజయ్, గ్రామ రైతులు పాల్గొన్నారు