ఏర్గట్ల మండలంలో మొక్కజొన్న కొనుగోలు కేంద్రం తక్షణమే ప్రారంభించాలంటూ డిమాండ్

జనం న్యూస్ అక్టోబర్ 08:నిజామాబాద్ జిల్లా ఏర్గట్ల మండలంలో బీజేపీ నేతలు, రైతులు కలిసి ఈ రోజు తహసీల్దార్‌ (MRO) గారికి వినతిపత్రం సమర్పించారు. ఇటీవల కురిసిన అతి వర్షాల కారణంగా మొక్కజొన్న పంటలు తీవ్రంగా దెబ్బతినడంతో రైతులు ఆర్థికంగా దుస్థితికి గురయ్యారని వారు తెలిపారు. ప్రభుత్వం ఇప్పటికీ మొక్కజొన్న కొనుగోలు కేంద్రాలనుప్రారంభించకపోవడంతో రైతులు దళారుల చేతుల్లో చిక్కుకున్నారని వారు ఆవేదన వ్యక్తం చేశారు. ప్రస్తుతం క్వింటాలుకు₹400-₹500 కే పంట కొనుగోలు జరుగుతుండగా, రైతులు పెద్ద ఎత్తున నష్టపోతున్నారని పేర్కొన్నారు.“రైతు ప్రభుత్వం అని చెప్పుకునే ప్రభుత్వం నిజంగా రైతుల పక్షాన ఉంటే వెంటనే కొనుగోలు కేంద్రం ప్రారంభించాలి. లేనిపక్షంలో పెద్ద ఎత్తున ఆందోళనలు, హైవే దిగ్బంధం వంటి కార్యక్రమాలకు దిగుతాం” అని బీజేపీ నాయకులు హెచ్చరించారు.ఈ వినతి పత్రం సమర్పణ కార్యక్రమంలో బీజేపీ నాయకులు ఏలేటి నారాయణ రెడ్డి, బూమేష్, రమేష్, మహిపాల్ రెడ్డి, రామరాజు, లింగారెడ్డి, వంశీ, రిషి తదితరులు పాల్గొన్నారు.