జనం న్యూస్. తర్లుపాడు మండలం నవంబర్ 2

తర్లుపాడు మండలంలో హిందూ స్మశాన వాటిక మరియు నాయుడుపల్లి కాలనీ వద్ద ఉన్న స్మశాన వాటికలలో కనీస మౌలిక సదుపాయాలను కల్పించాలని కోరుతూ తర్లుపాడు మండల జనసేన పార్టీ కార్యకర్తలు మార్కాపురం సబ్ కలెక్టర్ కార్యాలయంలో డిఏఓ (జిల్లా పరిపాలనా అధికారి/డీఏఓగా పేర్కొనబడిన అధికారి రవీంద్ర రెడ్డిని కలిసి వినతిపత్రం సమర్పించారు. స్మశాన వాటికలలో చిల్ల చెట్లు పెరిగిపోయాయని, వాటిని తొలగించాలని, అదేవిధంగా స్మశాన వాటికలకు ప్రహరీ గోడ, నడక బాట మరియు ఆర్చిని నిర్మించాలని వారు వినతిపత్రంలో పేర్కొన్నారు. అంత్యక్రియలు నిర్వహించడానికి వీలుగా కనీస సౌకర్యాలు లేకపోవడం వల్ల గ్రామ ప్రజలు తీవ్ర ఇబ్బందులు పడుతున్నారని జనసేన నాయకులు డిఏఓ రవీంద్ర రెడ్డి దృష్టికి తీసుకువచ్చారు.ఈ కార్యక్రమంలో కాపసంఘం మహిళ అధ్యక్షురాలు సిద్ధం కృష్ణవేణి, టిడిపి నాయకులు ఎర్వ వెంకటరెడ్డి, జనసేన నాయకులు గంజారపల్లి మహేష్, గడ్డం బాలరాజు, చీకటి శివకాశీ, షేక్ మాబు, వంశీ కృష్ణ, మువ్వా సురేష్ తదితరులు పాల్గొన్నారు. డిఏఓ రవీంద్ర రెడ్డి వారి వినతిని పరిశీలించి సమస్య పరిష్కారానికి చర్యలు తీసుకుంటామని హామీ ఇచ్చినట్లు జనసేన కార్యకర్తలు తెలిపారు.