జనం న్యూస్, నవంబర్ 19 (కొత్తగూడెం నియోజకవర్గం)

బారు క్యాంపు సింగరేణి కార్మికుడు ఎండి గౌస్ సారథ్యంలో బాబు క్యాంపులో నిర్వహించిన ఉచిత మెగా హెల్త్ క్యాంప్ ప్రజల నుంచి విశేష స్ఫూర్తిదాయక స్పందనను పొందింది. స్థానిక ప్రజారోగ్యంపై ప్రత్యేక శ్రద్ధతో ఎండి గౌస్ చేపట్టిన ఈ సేవా కార్యక్రమం బాబు క్యాంపు పరిసర ప్రాంతాల్లో ఆరోగ్య సరళిని విస్తరించింది.
ఈ కార్యక్రమం రాజ్ మహమ్మద్ జాన్ బీ ట్రస్ట్ ఆధ్వర్యంలో, హైదరాబాద్ యశోద మలక్పేట హాస్పిటల్ వైద్య బృందం సహకారంతో నిర్వహించారు. ప్రముఖ వైద్య నిపుణులు డాక్టర్ అఖిల్, డాక్టర్ సాయి, డాక్టర్ షైనీ, టెక్నీషియన్లు ఉమాదేవి, ఐశ్వర్య, మేనేజర్ జాను బాబు పాల్గొని స్థానికులకు వివిధ రకాల వైద్య పరీక్షలు చేసి, అవసరమైన మందులు సూచించారు.క్యాంపు మొత్తం నిర్వహణలో ఎండి గౌస్ కీలక పాత్ర పోషించారు. ప్రజలకు అవసరమైన అన్ని రకాల వసతులు, ఏర్పాట్లు సమగ్రంగా చేసి, వైద్య బృందం సౌకర్యవంతంగా సేవలు అందించేలా పర్యవేక్షించారు.ప్రజలు పెద్ద సంఖ్యలో పాల్గొని కార్యక్రమాన్ని విజయవంతం చేయడంతో, ఈ హెల్త్ క్యాంపు బాబు క్యాంపు ప్రాంతంలో ఆరోగ్య చైతన్యానికి కొత్త దిశ చూపింది.