జనం న్యూస్. తర్లుపాడు మండలం. నవంబర్ 27

తర్లుపాడు వాస్తవ్యులు, జగన్నాధపురం ప్రాథమిక పాఠశాల ప్రధానోపాధ్యాయులు సామాజిక కార్యకర్త అయినటువంటి కస్సెట్టి జగన్ బాబు మాట్లాడుతూ, నేను దీన స్థితిలో ఉన్న స్మశాన వాటికను దత్తత తీసుకొని తర్లుపాడు లోని ఆర్యవైశ్యులు మరియు ఇతర దాతల సహకారం తీసుకొని సుందరంగా తీర్చిదిద్దడం జరిగింది. వాటర్ కొరకు బోర్వెల్ ని,అలాగే అస్తికలు దాచుకొనుటకు ఒక గదిని,కర్మలు చేసుకొనుటకు ఒక గదిని అలాగే చనిపోయిన వారిని తీసుకెళ్లే ఒక ఇనుప బండిని తయారు చేయించడం జరిగింది. అంతేకాకుండా వర్షాకాలం ఎటువంటి ఇబ్బందులు లేకుండా దహన సంస్కారం చేసుకొనుటకు రెండు ప్లాట్ ఫారాలు ఏర్పాటు చేసి దానిపై స్లాబ్ నిర్మించడం జరిగింది.చనిపోయిన వారిని మోసే 'పాడె' కొరకు మార్కాపురం మానవతా స్వచ్ఛంద సేవా సంస్థ వారిని సంప్రదించగా వారు వెంటనే స్పందించి 15 వేల రూపాయలు విలువగల స్టైన్లెస్ స్టీల్ స్ట్రక్చర్ని నాకు అందించడం జరిగింది. ఇది అందరికీ ఉపయోగపడుతుంది.ఈ సందర్భంగా మానవతా స్వచ్ఛంద సేవా సంస్థ అధ్యక్షులు గుంటక సుబ్బారెడ్డి ప్రధాన కార్యదర్శి అన్నా రాము, కోశాధికారి తడికమల్ల శ్రీనివాసరావు, జాయింట్ సెక్రెటరీ రామాంజనేయులు మరియు కమిటీ సభ్యులకు హృదయపూర్వక ధన్యవాదాలు తెలియజేశాను.మనం ఎంత పెద్ద వారమైనా, ఎన్ని విజయాలు సాధించిన చివరి మజిలీ అయినటువంటి స్మశాన వాటిక ప్రతి ఒక్కరికి అవసరం.కావున నాయకులు హిందువులందరికీ ఉపయోగపడే ఈ స్మశాన వాటికకు అప్రోచ్ రోడ్డు మరియు కాంపౌండ్ వాల్ నిర్మించడానికి కృషి చేయాలని కోరుకుంటున్నాను.