విజయనగరం జిల్లా ఎస్పీ ఎ.ఆర్.దామోదర్, ఐపిఎస్.

జనం న్యూస్‌ 28 నవంబర్‌, విజయనగరం టౌన్‌ రిపోర్టర్‌ గోపికృష్ణ పట్నాయక్‌

స్టేట్ బ్యాంకు ఆఫ్ ఇండియా సి.ఎస్.ఆర్. వథకంలో భాగంగా విద్యార్థినులకు సైకిళ్ళును అందజేసే కార్యక్రమంకు జిల్లా ఎస్పీ ఎ.ఆర్.దామోదర్ ముఖ్య అతిధిగా హాజరయ్యారు. విజయనగరం పట్టణంలోని ప్రభుత్వ మహారాజ సంస్కృత పాఠశాలలో చదువుతూ, సుదూర ప్రాంతాల నుండి పాఠశాలకు వచ్చే 16మంది విద్యార్దినులకు గుర్తించి, ఎస్.బి.ఐ. వారి సౌజన్యంతో జిల్లా ఎస్పీ ఎ.ఆర్.దామోదర్ నవంబరు 27న సైకిళ్ళును అందజేసారు.ఈ సందర్భంగా జిల్లా ఎస్పీ ఎ.ఆర్.దామోదర్, ఐపిఎస్ మాట్లాడుతూ - పాఠశాల విద్యను అభ్యసించే సమయంలో విద్యార్ధినులకు 'గుడ్ టచ్ బ్యాడ్ టచ్' వంటి విషయాలపై అవగాహన ఉండాలన్నారు. జిల్లాలోని అన్ని పాఠశాలలకు శక్తి టీమ్స్ ను పంపి, విద్యార్థినులకు గుడ్ టచ్ బ్యాడ్ టచ్ పట్ల అవగాహన కల్పిస్తున్నామన్నారు. ఇటీవల కాలంలో మానవ మృగాలు ముక్కు పచ్చలారని మైనరు బాలికలను లైంగికంగా వేధిస్తున్న సంఘటనలు వెలుగు చూస్తున్నాయన్నారు. ఇటువంటి సంఘటనలు పునరావృతం కాకుండా ఉండేందుకు, ఏదైనా సంఘటన జరిగితే ఎవరికి ఫిర్యాదు చేయాలన్న అంశాలు పట్ల విద్యార్థులను చైతన్యపరుస్తున్నామన్నారు. ప్రతీ విద్యార్థి తాను చదువుతున్న కాలం లోనే భవిష్యత్తుకు సంబంధించి లక్ష్యం ఏర్పరుచుకొని, లక్ష్య సాధనకు కృషి చెయ్యాలన్నారు. ప్రజలందరికీ ప్రస్తుతం ఇంటర్నెట్ అందుబాటులో ఉందని, ఇంటర్నెట్ను వినియోగించుకొని లక్ష్య సాధనకు సంబంధించిన విషయాలపై శ్రద్ధ పెట్టాలన్నారు. అంతేతప్పా, ఇంటర్నెట్ను దుర్వినియోగం చేస్తూ, అనవసర విషయాలకు ప్రాధాన్యత కల్పిస్తూ, సోషల్ మీడియా, రీల్స్ అంటూ సమయాన్ని వృధా చేస్తే, భవిష్యత్తులో బాధపడే పరిస్థితులు ఏర్పడతాయన్నారు. చిన్న వయస్సు లో బాలికలను మభ్యపెడుతూ, వారికి తాయిలాలు ఇచ్చి, మాయ మాటలు చెప్పి, లైంగిక వేధింపులకు పాల్పడే వ్యక్తుల మాటలను నమ్మవద్దన్నారు. దురుద్ధేశంతో అటువంటి వ్యక్తుల ప్రలోభాలకు, అకృత్యాలకు లొంగితే చిన్న వయస్సులోనే పిల్లల జీవితాలు నాశనం అవుతాయన్నారు. ఇటువంటి నేరాలను తీవ్రంగా పరిగణించాలన్నారు. కావున, టీనేజ్లో ఇతరుల ఆకర్షణకు లోనుకావద్దని, చదువు, లక్ష్యం పై శ్రద్ధపెట్టి, తల్లిదండ్రులకు, ఉన్న ఊరు, జిల్లాకు మంచి పేరు తీసుకొని రావాలన్నారు. ఉత్తరాంధ్ర ప్రాంతాన్ని అభివృద్ధి చేసేందుకు ప్రభుత్వం అనేక చర్యలు చేపడుతుందన్నారు. విద్యార్థులు తమ నైపుణ్యాలను మెరుగువర్చుకొని, తాము ఎంచుకున్న రంగంలో ఉన్నత స్థానాలకు ఎదిగి, మంచి విజయాలను సాధించాలన్నారు. సైలబరు మోసాలకు గురికాకుండా ప్రతీ ఒక్కరూ టెక్నాలజీ పట్ల అవగాహన పెంచుకోవా అన్నారు. చదువుకొనే సమయంలో విద్యార్థులు చెడు మార్గంలో పయనించకుండా లక్ష్య సాధన వైపు నడవాలన్నారు. మద్యం, గంజాయి వంటి దురలవాట్లకు లోను కావద్దన్నారు. మద్యం సేవించి వాహనాలు నడిపి ప్రమాదాలకు కారణం కావద్దన్నారు. వాహనం నడిపే సమయంలో మీ కుటుంబ సభ్యులు తప్పనిసరిగా హెల్మెట్స్ ధరించే విధంగా మాడాల న్నారు. డిజిటల్ అరెస్టు, సైజరు నేరాలు పట్ల అవగాహన పెంచుకొని, మీ ప్రాంతంలో ఉండే పెద్దలకు, తల్లిదండ్రులకు అవగాహన కల్పించాలని యువతకు జిల్లా ఎస్పీ ఎ.ఆర్.దామోదర్ పిలుపునిచ్చారు.ఈ కార్యక్రమంలో ఎస్.బి.ఐ. రీజనల్ మేనేజరు ఎం.సురేష్ బాబు, విజయనగరం ఇంచార్జ్ డిఎస్పీ ఆర్.గోవిందరావు, డిఈఓ కే.వెంకట రమణ, ఎస్బీఐ జోనల్ సెక్రటరీ ఎం.రమేష్ కుమార్, ఎస్.బి.ఐ. హెచ్ఆర్ మేనేజరు పి.ఎన్.చారి, పాఠశాల హెచ్.ఎం. టి.లలిత కుమారి, 2వ పట్టణ సిఐ టి.శ్రీనివాస్ ఇతర అధికారులు, పాఠశాల ఉపాధ్యాయులు, విద్యార్థులు పాల్గొన్నారు.