జనం న్యూస్ నవంబర్ 28 సంగారెడ్డి జిల్లా

పదవ తరగతి విద్యార్థులకు అల్పాహారం (స్నాక్స్‌) అందజేయాలని ఎమ్మెల్సీ డా. చిన్న మైల్ అంజిరెడ్డి డిమాండ్ చేశారు. ఇందుకు సంబంధించి పాఠశాల విద్యాశాఖ వెంటనే ఉత్తర్వులు జారీ చేయాలన్నారు. త్వరలో జరిగే పదో తరగతి పరీక్షల నేపథ్యంలో పరీక్షలకు ప్రభుత్వ బడుల విద్యార్థులను సన్నద్ధం చేసేందుకు స్పెషల్ క్లాస్ కోసం సాయంత్రం విద్యార్థుల ఆకలి తీర్చేందుకు పూర్తిగా ప్రభుత్వ నిధులతోనే స్నాక్స్ ఇవ్వాలన్నారు. రాష్టంలో దాదాపు 2 లక్షల మంది ప్రభుత్వ బడుల్లో పదో తరగతి చదువుతున్నారని తెలిపారు. ఇప్పటికే స్పెషల్ క్లాస్ కోసం గ్రామీణ విద్యార్థులు ఉదయనే ఆదరాబాదర గా బడికి వస్తుంటారని తెలిపారు. విద్యార్థులు సాయంత్రం ప్రత్యేక తరగతులకు హాజరయ్యే దూర ప్రాంత విద్యార్థులు ఆకలి తో ఇబ్బంది పడుతున్నారని తెలిపారు. దీంతో విద్యార్థులు అనారోగ్యం బారిన పడి, ఆకలి తో చదువు మీద దృష్టి పెట్టలేక పోతారని పేర్కొన్నారు. గత ఏడాది మాదిరిగా ఈ సారి పదవ తరగతి చదివే విద్యార్థులకు అల్పాహారం అందించాలని కోరారు. కనీసం పేద విద్యార్థుల కోసం ప్రతి విద్యార్ధికి రూ. 10 కూడా ఖర్చు చేయలేని స్థితిలో కాంగ్రెస్ ప్రభుత్వం ఉందన్నారు. వచ్చే నెల నుంచి విద్యార్థులకు అల్పాహారం అందించాలని డిమాండ్ చేశారు. దీనితో చదువు పై పూర్తి స్థాయిలో దృష్టి సారించి ఉత్తమ ఫలితాలు సాధించే అవకాశం ఉంటుందన్నారు.