జనం న్యూస్‌ 29 నవంబర్‌, విజయనగరం టౌన్‌ రిపోర్టర్‌ గోపికృష్ణ పట్నాయక్‌

ఎస్ఎఫ్‌ఐ జిల్లా అధ్యక్ష, కార్యదర్శులుగా చినబాబు, రాము 30 మందితో నూతన జిల్లా కమిటీ ఎన్నిక
ఎస్ఎఫ్‌ఐ 33వ జిల్లా మహాసభలు ఘనంగా ముగిసాయి. స్థానిక లేడీస్ రిక్రియేషన్ క్లబ్ లో రెండు రోజులుగా జరిగిన మహాసభలు శుక్రవారంతో ముగిసాయి. చివరి రోజు జిల్లా విద్యా రంగ అభివృద్ధి కోసం, ప్రభుత్వ విద్య బలోపేతం కోసం కార్యాచరణపై సుదీర్ఘంగా చర్చించి అనేక తీర్మానాలు చేయడం జరిగింది. వాటితో పాటు నూతన జిల్లా కమిటీని మహాసభ ఎన్నుకుంది. 30 మందితో నూతన జిల్లా కమిటీని రాష్ట్ర అధ్యక్షులు పి.రామ్మోహన్ ప్రతిపాదన చేయగా మహాసభ ఆమోదించింది. అనంతరం నూతన కమిటీ కార్యవర్గాన్ని ఎన్నుకున్నారు.జిల్లా అధ్యక్షులుగా వి.చినబాబు, కార్యదర్శిగా డి.రాము, ఉపాధ్యక్షులుగా ఎం.వెంకీ, ఆర్.శిరీషా, కె.జగదీష్, కె.రమేష్, సహాయ కార్యదర్శులుగా పి.రమేష్, ఇ.వంశీ, వి.భారతి, ఎస్.సోమేష్, ఆహ్వానితులుగా రమణ, రూప, జిల్లా కమిటీ సభ్యులుగా జయ, ఎర్రమ్మ, సూరిబాబు, నాని, శ్రీలత, మధు, జగదీష్, తేజ, కిరణ్, రాజశేఖర్, తేజ, కిరణ్, మణి, చైతన్య, రత్నా, గౌరీ, లక్ష్మి, సాయి లతో కూడిన కమిటీని ఏకగ్రీవంగా మహాసభ ఆమోదం తెలిపింది. ఈ సందర్భంగా నూతన జిల్లా కమిటీ అధ్యక్ష, కార్యదర్శులు మాట్లాడుతూ రానున్న కాలంలో విజయనగరం జిల్లాలో ప్రభుత్వ విద్యారంగం బలోపేతం కోసం, విద్యారంగ సమస్యలు పరిష్కారం కోసం, సంఘాన్ని మరింత బలోపేతం చేసే విధంగా కృషి చేయడం జరుగుతుంది. జిల్లా కమిటీ సభ్యులు, నగర కమిటీ సభ్యులు రానున్న కాలంలో మనం చేసే పోరాటాలకు సహకరించాలని, జిల్లాలో పేద, బడుగు, బలహీన వర్గాలు విద్యార్థులకు అండగా ఉంటూ ప్రభుత్వ విద్యను అందించేందుకు ఎదురయ్యే ఆటంకాలు అధిగమించేందుకు కలిసికట్టుగా కృషి చేద్దామని నూతన కార్యవర్గానికి ధన్యవాదాలు తెలిపారు.
ఎస్ఎఫ్‌ఐ ఆమోదించిన తీర్మానాలు:ఎన్ఈపీని రద్దు చేయాలి, ప్రభుత్వ విద్యా సంస్థలను బలోపేతం చేయాలిఎస్ఎఫ్‌ఐ 33వ జిల్లా మహాసభల్లో కొన్ని తీర్మానాలు చేయడం జరిగింది. వాటిలో ప్రధానంగా:

• ఎన్ఈపీని రద్దు చేయాలి.
• రాష్ట్రంలో, జిల్లాలో మూసేసిన పాఠశాలలను తెరిపించాలి.
• మెడికల్ కాలేజీలు, సెంట్రల్ యూనివర్సిటీల నిర్మాణాలు వేగవంతం చేయాలి.
• సంక్షేమ వసతిగృహాలకు సొంత భవనాలు నిర్మించాలి, మౌలిక సదుపాయాలు కల్పించాలి.
• విద్యా సంస్థలకు వెళ్ళేందుకు విద్యార్థి సంఘాలపై విధించిన నిషేధాన్ని ఎత్తివేయాలి.
• విద్యార్థినుల వసతి గృహాల్లో శానిటరీ నాప్కిన్స్ మంజూరు చేయాలి.
• అర్హులైన ప్రతి విద్యార్థికి 'తల్లికి వందనం' ఇవ్వాలి.
• ప్రతి మండల కేంద్రాల్లో ప్రభుత్వ జూనియర్ కళాశాలలు ఏర్పాటు చేయాలి.
• రాజాం, గజపతినగరం, విజయనగరం ప్రాంతాల్లో ప్రభుత్వ డిగ్రీ కళాశాలలకు సొంత భవనాలు ఏర్పాటు చేయాలి.
• నెల్లిమర్ల, బొబ్బిలిలో ప్రభుత్వ డిగ్రీ కళాశాలలు ఏర్పాటు చేయాలి.
• పెండింగ్‌లో ఉన్న రూ. 6,800 కోట్ల స్కాలర్‌షిప్‌లు విడుదల చేయాలి.
• విద్యా సంస్థల్లో విద్యార్థి సంఘాలు ఎన్నికలు నిర్వహించాలి.
• జిల్లాలో చిన్న, మధ్య తరగతి పరిశ్రమలు ఏర్పాటు చేసి, యువతకు ఉపాధి అవకాశాలు కల్పించాలి.
• జీవో 77ను రద్దు చేసి పీజీ విద్యార్థులకు స్కాలర్‌షిప్‌లు ఇవ్వాలి.
• కార్పొరేట్ ఫీజుల దోపిడీ ఆపాలి, ఫీజుల నియంత్రణ కమిటీ వేయాలి.