జనం న్యూస్, నవంబర్ 29,అచ్యుతాపురం

అచ్యుతాపురం మండలం పూడిమడక గ్రామంలో కేంద్ర, రాష్ట్ర ప్రభుత్వ మత్స్య శాఖ ఆధ్వర్యంలో మత్స్యకారులకు ప్రధానమంత్రి మత్స్య సంపద యోజన పథకంలో భాగంగా శనివారం ఒబిఎమ్ ఇంజన్లను మత్స్యకారులకు స్థానిక ఎమ్మెల్యే సుందరపు విజయ్ కుమార్ పంపిణీ చేశారు. అనంతరం ఎమ్మెల్యే మాట్లాడుతూ మత్స్యకారులను ఎన్డీయే ప్రభుత్వం అన్ని విధాలుగా అభివృద్ధి పరిచేందుకు కృషి చేస్తుందన్నారు.త్వరలోనే పూడిమడకలో జెట్టి నిర్మాణం పూర్తవ్వనుందన్నారు. అదే విధంగా మత్స్యకారులకు వారి జీవన విధామైన వేటకు సంబంధించిన వస్తువులపై రాయితీలతో ఇస్తున్నామన్నారు. నేడు రాయితీపై ఓబిఎమ్ ఇంజన్లు అందజేయడానికి సమకూర్చిన దేశ ప్రధానమంత్రి నరేంద్రమోదీకి,రాష్ట్ర ముఖ్యమంత్రి నారా చంద్రబాబు నాయుడుకి,ఉప ముఖ్యమంత్రి కొణిదెల పవన్ కళ్యాణ్ కు మత్స్యకారుల తరుపున కృతజ్ఞతలు తెలియజేస్తున్నామన్నారు.ఈ కార్యక్రమంలో ప్రభుత్వ అధికారులు,కూటమి నాయకులు పాల్గొన్నారు.