(జనం న్యూస్ 29నవంబర్ ప్రతినిధి, కాసిపేట, రవి)

భీమారం మండలంలోని వివిధ గ్రామాల నుంచి రైతులు ఐకెపి ధాన్యం కొనుగోలు కేంద్రాలపై ఎదురు చూపులు చూస్తున్నారు, వరి కోత దశలోకి రావడంతో ప్రభుత్వ కొనుగోలు ఎప్పుడెప్పుడు ప్రారంభమవుతుందా అనే ఆసక్తి పెరిగింది. ప్రస్తుతం వర్షాలు విరామం ఇచ్చినా చెరువుల్లో తడిన పరిస్థితులు కొనసాగుతుండటంతో ధాన్యం ఆరబెట్టడంలో రైతులు ఇబ్బందులు పడుతున్నారు.కొనుగోలు కేంద్రాలు ప్రారంభమై మద్దతు ధర లభిస్తే తాము నష్టాలు తప్పించుకుంటామని రైతులు ఆశాభావం వ్యక్తం చేస్తున్నారు. తూకం, బస్తాలు, రవాణా వంటి ఏర్పాట్లు సకాలంలో పూర్తిచేయాలని, రైతులు అధికారులను కోరుతున్నారు.స్థానిక వ్యవసాయ శాఖ అధికారులు అవసరమైన ఏర్పాట్లు చేసి రైతులు నిరాశ చెందాల్సిన పని లేకుండా , కొనుగోలు ప్రక్రియ పారదర్శకంగా సాగేందుకు చర్యలు తీసుకోవాలని వారు తెలిపారు.