జనం న్యూస్ నవంబర్ 28 ముమ్మిడివరం ప్రతినిధి గ్రంధి నానాజీ

ప్రజా సమస్యలను తీర్చడమే కూటమి ప్రభుత్వ ప్రధాన లక్ష్యం అని ముమ్మిడివరం శాసన సభ్యులు దాట్ల సుబ్బరాజు పేర్కొన్నారు. ఈ రోజు మురమళ్ళ కార్యాలయంలో నిర్వహించిన ప్రజా సమస్యల వేదిక – ప్రజాదర్భార్ కార్యక్రమంలో శాసన సభ్యులు ప్రజలతో నేరుగా మాట్లాడి వారి సమస్యలను స్వీకరించారు.ప్రజలు తమ సమస్యలను ప్రత్యక్షంగా వివరించగా, వెంటనే శాసన సభ్యులు దాట్ల సుబ్బరాజు స్పందించారు. కొన్ని సమస్యలను అదే సందర్భంలో సంబంధిత అధికారులతో మాట్లాడి వెంటనే పరిష్కరించారు. ఇంకా పెండింగ్‌లో ఉన్న సమస్యలను ఆన్లైన్ ద్వారా సంబంధిత విభాగాల అధికారులకు పంపుతూ త్వరితగతిన చర్యలు తీసుకోవాలని ఆదేశించారు.ఈ సందర్భంగా శాసన సభ్యులు దాట్ల సుబ్బరాజు మాట్లాడుతూ,“ప్రజా సమస్యల పరిష్కారానికి ప్రభుత్వం పూర్తిగా కట్టుబడి ఉంది. ప్రజలు ఎలాంటి సంకోచం లేకుండా తమ సమస్యలను తెలియజేయాలి. ప్రతి ఫిర్యాదును నేను వ్యక్తిగతంగా పరిశీలించి, సంబంధిత శాఖల ద్వారా త్వరగా పరిష్కారం అయ్యేలా చూస్తాను’’ అని తెలిపారు.స్థానిక స్థాయి చిన్న చిన్న సమస్యల నుండి గ్రామ, మండల అభివృద్ధి పనుల వరకు ప్రభుత్వం సమగ్రంగా పని చేస్తోందని చెప్పారు. ప్రజల నుండి వచ్చే సూచనలు, ఫిర్యాదులు ప్రభుత్వానికి మార్గదర్శకాలు అవుతాయని అన్నారు.“ప్రజల సమస్యలు పరిష్కారమైతేనే మంచి పాలన సాధ్యమవుతుంది. అలాంటి ప్రజా–ఆధారిత పాలన అందించడమే కూటమి ప్రభుత్వ లక్ష్యం’’ అని శాసన సభ్యులు దాట్ల సుబ్బరాజు పేర్కొన్నారు.