జనం న్యూస్ నవంబర్ 29 ముమ్మిడివరం ప్రతినిధి గ్రంధి నానాజీ
​
*డాక్టర్ బి.ఆర్. అంబేద్కర్ కోనసీమ జిల్లా పోలీస్ కార్యాలయంలో జిల్లా సూపరింటెండెంట్ ఆఫ్ పోలీస్ (ఎస్పీ) రాహుల్ మీనా జిల్లాలోని అన్ని పోలీస్ స్టేషన్ల అధికారులతో నెలవారీ నేర సమీక్షా సమావేశం (మంత్లీ క్రైమ్ రివ్యూ మీటింగ్) నిర్వహించారు. ఈ సమావేశంలో జిల్లా పరిధిలో నమోదైన పెండింగ్‌లో ఉన్న వివిధ రకాల కేసులపై సమగ్ర సమీక్ష నిర్వహించారు.ఈ సందర్భంగా ఎస్పీ రాహుల్ మీనా మాట్లాడుతూ, ప్రజలకు మెరుగైన పోలీస్ సేవలు అందించడం తమ ప్రధాన లక్ష్యమన్నారు. "కేసుల దర్యాప్తులో జాప్యం ఉండకూడదు. ప్రత్యేకించి మహిళలు, చిన్నారులకు సంబంధించిన కేసుల్లో త్వరితగతిన దర్యాప్తు పూర్తి చేసి, ఛార్జిషీట్‌లను దాఖలు చేయాలి. ప్రతి అధికారి తమ పరిధిలో శాంతిభద్రతలను కాపాడటంలో రాజీ పడకూడదు," అని స్పష్టం చేశారు.ఈ సమావేశంలో జిల్లా అదనపు ఎస్పీ ఏ వి ఆర్ పి బి ప్రసాద్ , అమలాపురం డి ఎస్ పి టి ఎస్ ఆర్ కె ప్రసాద్ , కొత్తపేట డి ఎస్ పి శ్రీ ఎస్ మురళి కృష్ణ , రామచంద్రపురం డి ఎస్ పి రఘువీర్, ఏ ఆర్ డి ఎస్ పి సుబ్బరాజు డి సి ఆర్ బి సీఐ శ్రీ మురళి కృష్ణ, ఎస్ బి సీఐ పుల్లారావు, ఏ ఆర్ ఆర్ ఐ కోటేశ్వరరావు, జిల్లా లోని సర్కిల్ ఇన్స్పెక్టర్లు, సబ్ ఇన్స్పెక్టర్లు l ఇతర పోలీస్ అధికారులు పాల్గొన్నారు