జనం న్యూస్. తర్లుపాడు మండలం. నవంబర్ 30

పారిశుద్ధ్య లోపం, మురుగునీటి నిల్వపై మార్కాపురం నియోజకవర్గ శాసనసభ్యులు కందుల నారాయణరెడ్డి తీవ్ర ఆగ్రహం వ్యక్తం చేశారు. శనివారం రోజున చెన్నారెడ్డిపల్లి గ్రామంలో నిర్వహించిన 'రైతన్న మీకోసం' కార్యక్రమానికి వెళ్తున్న మార్గంలో తర్లుపాడు మండల కేంద్రం మరియు చెన్నారెడ్డిపల్లి గ్రామాలలో నెలకొన్న అధ్వాన పరిస్థితులను గమనించి ఆయన అధికారులపై మండిపడ్డారు.తర్లుపాడు శివాలయం వద్ద మురుగునీరు జేసీబీతో పరిష్కారానికి ఆదేశం,ఎమ్మెల్యే కందుల నారాయణరెడ్డి తర్లుపాడు మీదుగాప్రయాణిస్తున్నప్పుడు, మండల కేంద్రంలోని శివాలయం వద్ద సీసీ రోడ్డుపై అధ్వానంగా నిలిచి ఉన్న మురుగునీరును చూసి ఆగిపోయారు. మురుగునీరు పోయేందుకు సరైన దారి లేకపోవడం, ఆ నీరు రోడ్డుపై నిలిచి దుర్వాసన వెదజల్లడం గమనించిన ఎమ్మెల్యే అధికారులపై ఆగ్రహం వ్యక్తం చేశారు.
ఈ విధంగా నీరు నిలబడి ఉండటం వల్ల దోమలు పెరిగి, ప్రజలు మరియు వాహనదారులు తీవ్ర ఇబ్బందులు పడతారని, ఆసుపత్రి పాలయ్యే ఆవశ్యకత ఉందని ఆయన హెచ్చరించారు.నిలిచిన నీరు వెంటనే వెళ్ళేందుకు ప్రత్యామ్నాయంగా జేసీబీ ద్వారా దారి ఏర్పాటు చేయాలని తక్షణ ఆదేశాలు జారీ చేశారు.చెన్నారెడ్డిపల్లి మెయిన్ రోడ్డులోనూ అదే పరిస్థితినిల్వ ఉన్న మురుగునీరు
చెన్నారెడ్డిపల్లి గ్రామంలో 'రైతన్న మీకోసం' కార్యక్రమానికి వెళ్తున్నప్పుడు, మెయిన్ రోడ్డులో కూడా అధ్వానంగా మురుగునీరు నిలిచి ఉండటాన్ని ఎమ్మెల్యే కందుల నారాయణరెడ్డి గమనించారు.ఇంటి పరిసరాల ఆవరణలోనే మురుగునీరు నిలిచి దుర్వాసన వెదజల్లుతున్న ప్రాంతాన్ని ఆయన దగ్గర ఉండి పరిశీలించారు.తర్లుపాడు మండల అధికారులు, మండల పరిషత్ అధికారులు మరియు పంచాయతీ సెక్రెటరీలకు ఆయన తక్షణమే ఆదేశాలు జారీ చేశారు.తర్లుపాడు మండలంలో పారిశుద్ధ్యం అధ్వానంగా ఉందని, తక్షణమే నీరు నిలబడకుండా, దుర్వాసన రాకుండా చర్యలు తీసుకోవాలి.ప్రత్యామ్నాయంగా జేసీబీ సహాయంతో కాలువలు ఏర్పాటు చేయాలి.భవిష్యత్తులో ప్రత్యేక నిధులు మంజూరైనప్పుడు, ఆయా ప్రాంతాలలో శాశ్వత కాలువల నిర్మాణం చేపట్టాలని ఆదేశించారు.ఎమ్మెల్యే కందుల నారాయణరెడ్డి ఆదేశాల మేరకు, పారిశుద్ధ్య లోపాన్ని సరిదిద్ది ప్రజల ఆరోగ్యానికి హాని కలగకుండా వెంటనే చర్యలు చేపట్టాలని సంబంధిత అధికారులు కదలాలని ఆయన స్పష్టం చేశారు.