జనం న్యూస్. తర్లుపాడు మండలం. నవంబర్ 30

ఈ కార్యక్రమంలో తర్లుపాడు మండలం ఎస్ టి యు నూతన అధ్యక్షులుగా కశ్శెట్టి జగన్ బాబును సభ్యులందరూ ఏకగ్రీవంగా ఎన్నుకోవడం జరిగింది. అలాగే ప్రధాన కార్యదర్శిగా షేక్ నజీర్ అహ్మద్,కోశాధికారిగా సాధు అంజనీ కుమార్ ను ఎన్నుకోవడం జరిగింది. ఈ సందర్భంగా జిల్లా అధ్యక్షులు కాగుటూరి ఎర్రయ్య మాట్లాడుతూతర్లుపాడు మండల ఎస్టీ అధ్యక్షులుగా ఉన్న కశ్శెట్టి జగన్ అండ్ టీం మండల ఉపాధ్యాయుల సమస్యలపై నిరంతరం పోరాడుతూ వారికి కావలసిన సేవలు నిరంతరం అందిస్తూ వారి అభిమానాన్ని చూరగొన్నారు. అంతేకాకుండా మండలంలోని ప్రభుత్వ పాఠశాలల్లో పదవ తరగతి చదువుతున్న విద్యార్థులకు యూనియన్ తరపున ఉచిత మెటీరియల్ అందించడం, అలాగే తన సొంత నిధులతో ఎగ్జామ్ పాడ్స్ అందించడం. ఎస్సీ, బీసీ హాస్టల్ కు మౌలిక సదుపాయాలు అనగా దోమతెరలు, కరెంటు సామాగ్రి అందించడం జరిగింది. అలాగే యూనియన్ తరపున మండలం లెవల్లో శతకబాల పోటీలు నిర్వహించి వారికి బహుమతులు అందించడం జరిగింది. అలాగే నూతన డీఎస్సీలో మండలంలో జాయిన్ అయిన ఉపాధ్యాయులను సన్మానించడం జరిగింది. అంతేకాకుండా మార్కాపురం డివిజన్ లెవల్ లో నూతన సభ్యత్వాలను నమోదు చేయడంలో తర్లుపాడు మండల యూనిట్ ప్రథమ స్థానంలో ఉందని తెలియజేశారు.ఈ విధంగా సేవలందిస్తున్న జగన్,నజీర్ అహ్మద్ అంజనీ కుమారులను అభినందిస్తూ మరొకమారి ఏకగ్రీవంగా సభ్యులందరూ ఎన్నుకోవడం జరిగింది. తదుపరి సభ్యులతో ప్రమాణ స్వీకారం చేయించడం జరిగింది. ఈ కార్యక్రమంలో ఎస్టియు ప్రకాశం జిల్లా మాజీ ప్రధాన కార్యదర్శి బి. సిహెచ్ వెంకటేశ్వర్లు, జిల్లా కార్యవర్గ సభ్యులు మున్సిపల్ హైస్కూల్ ప్రధానోపాధ్యాయులు రామకృష్ణ, ఎన్నికల పరిశీలకులు షేక్ యూసఫ్ షరీఫ్, ఎన్నికల అధికారి టి వి రమణ, మార్కాపురం మండలం అధ్యక్షులు అక్కల నారాయణ, జిల్లా కార్యవర్గ సభ్యులు సిహెచ్ గాలెయ్య, సూరె జ్యోతి, సంజీవ్ కుమార్. కమిటీ సభ్యులు రాజా రమేష్, రవి, హనుమంతరావు, ఆదినారాయణ, రంగస్వామి రెడ్డి, బి ఎర్రయ్య, శ్రీరామ్ శెట్టి, కాశయ్య, నాగయ్య, రంగ ప్రదీప్,విఠల్ కుమార్, శివకుమార్ పాల్గొన్నారు.