జనం న్యూస్ జగిత్యాల జిల్లా ఇన్చార్జి బండారి భీరయ్య నవంబర్ 30జగిత్యాలలో

రాష్ట్ర కార్మిక, గనుల శాఖ మంత్రి, చెన్నూరు ఎమ్మెల్యే డాక్టర్ గడ్డం వివేక్ వెంకటస్వామి జన్మదినోత్సవం సందర్భంగా ఆదివారం జగిత్యాల జిల్లా కేంద్రంలో మాజీ సర్పంచ్, జగిత్యాల ప్రెస్ క్లబ్ అధ్యక్షులు, సీనియర్ జర్నలిస్ట్, ఎన్నం కిషన్ రెడ్డి ఆధ్వర్యంలో జన్మదిన వేడుకలను ఘనంగా నిర్వహించారు. మంత్రి వివేక్ పుట్టినరోజు పురస్కరించుకొని ఆదివారం జగిత్యాల రూరల్ మండలం పొలాసలోని 108 శ్రీచక్ర సహిత లలితమాత ఆలయంలో మంత్రి వివేక్ పేరిట ప్రత్యేక పూజలు నిర్వహించారు.ఈ సందర్భంగా కిషన్ రెడ్డి మాట్లాడుతూ మంత్రి వివేక్ వెంకటస్వామి నిత్యం పేదలకోసం పరితపించే నాయకుడున్నారు.పెద్దపల్లి పార్లమెంట్ సభ్యులుగా, ఎమ్మెల్యే, మంత్రిగా డాక్టర్ గడ్డం వివేక్ వెంకటస్వామి అభివృద్ధి,అన్ని వర్గాల సంక్షేమమే ధ్యేయంగా పనిచేస్తున్నారని కిషన్ రెడ్డి కొనియాడారు.మంత్రి వివేక్ ఇలాంటి పుట్టినరోజులు మరెన్నో జరుపుకోవాలని కిషన్ రెడ్డి ఆకాంక్షించారు. ఈ కార్యక్రమంలో గంగారాం, మహేష్, రమేష్, శంకర్,మల్లయ్య, తిరుపతి,వనిత, స్వప్న, రోజా,భాగ్య, అపర్ణ, మధు,తదితరులు పాల్గొన్నారు.