(జనం న్యూస్, 1డిసెంబర్,ప్రతి నిది, కాసిపేట,రవి)

సామజిక కార్యకర్త కాసిపేట,రవి సర్పంచ్ ఎన్నికల గురించి మాట్లాడుతూ ఊరి భవిష్యత్తుకు పునాది వేసే అత్యంత కీలకమైన సర్పంచ్ ఎన్నికల సమయం ఇది. సర్పంచ్ కేవలం ఒక పదవి కాదు, మన గ్రామన్ని ముందుండి నడిపించే నాయకత్వం, కావాలి అందుకే, మీ అమూల్యమైన ఓటును ఎవరికి వేయాలనే విషయంలో పదిసార్లు ఆలోచించి, సరైన నిర్ణయం తీసుకోవాల్సిన బాధ్యత మనందరిపై ఉంది ఎటువంటి వ్యక్తిని సర్పంచ్‌గా ఎన్నుకోవాలి?గ్రామాన్ని నిజంగా అభివృద్ధి చేసే నాయకుడిలో నిజాయితీ మరియు పారదర్శకత గ్రామ పంచాయతీకి వచ్చే ప్రతి పైసాను పారదర్శకంగా, గ్రామ అవసరాలకే ఖర్చు చేసే వ్యక్తి అయి ఉండాలి. అవినీతికి తావు లేకుండా, నిధుల వినియోగంపై ఎప్పటికప్పుడు గ్రామసభలో లెక్కలు చెప్పే ధైర్యం ఉండాలి. పదవిని అధికారం కోసం కాకుండా, కేవలం సేవ కోసం మాత్రమే ఆశించే వ్యక్తి అయి ఉండాలి.విజ్ఞానం ఉన్న వ్యక్తి ప్రభుత్వ పథకాల గురించి, నిధులు ఎలా తీసుకురావాలో, సమస్యలను చట్టబద్ధంగా ఎలా పరిష్కరించాలో తెలిసిన సమర్థుడు అయి ఉండాలి.కేంద్ర, రాష్ట్ర ప్రభుత్వాలనుండి గ్రామానికి రావలసిన ప్రతి పైసాను, పథకాన్ని తీసుకురావడానికి కృషి చేయాలి.అందరినీ కలుపుకుపోయే తత్వం కులాలకు మతాలకు అతీతంగా అన్ని కులాలు, మతాలు, వర్గాల వారిని సమానంగా చూస్తూ, అందరి అభిప్రాయాలకు విలువ ఇచ్చే వ్యక్తి అయి ఉండాలి.సామాజిక న్యాయం బలహీన వర్గాలు, పేద ప్రజల సమస్యలను ముందుగా పరిష్కరించడానికి ప్రాధాన్యత ఇచ్చే నాయకుడు కావాలి.గ్రామాభివృద్ధిపై స్పష్టమైన దృష్టి ఉండాలి. కేవలం తాత్కాలిక అవసరాలను కాకుండా, రాబోయే ఐదేళ్లలో రోడ్లు, డ్రైనేజీ, తాగునీరు, విద్య, ఆరోగ్యం వంటి అంశాలలో గ్రామాన్ని ఎక్కడికి తీసుకెళ్లాలనే స్పష్టమైన ప్రణాళిక ఉండాలి. చిన్న సమస్యల నుంచి పెద్ద సమస్యల వరకు, వాటిని సకాలంలో, శాశ్వతంగా పరిష్కరించగలిగే నేర్పు ఉండాలి. మిత్రులారా, గుర్తుంచుకోండి డబ్బుకు అమ్ముడుపోకండి ఓటును అమ్మి, ఐదేళ్ల మీ భవిష్యత్తును తాకట్టు పెట్టకండి. ఒక్కరోజు ఇచ్చే డబ్బుకు మోసపోతే, ఐదేళ్లు వెనుకబడిపోతాం. ప్రలోభాలకు లొంగకండి మద్యం, ఇతర ప్రలోభాలకు లొంగకుండా, కేవలం ఆ వ్యక్తి గుణాన్ని, పనితీరును మాత్రమే బేరీజు వేయండి. మీ ఓటు మీ గ్రామానికి వేయ బోయే పునాది! దయచేసి ఆలోచించండి, వివేకంతో నిర్ణయం తీసుకోండి మరియు మీ గ్రామాన్ని అభివృద్ధి పథంలో నడిపించే సమర్థవంతమైన నాయకుడిని ఎన్నుకోండి.