జుక్కల్ డిసెంబర్ 27 జనం న్యూస్

కామారెడ్డి జిల్లా కాంగ్రెస్ పార్టీలో ఐక్యత, పరస్పర గౌరవానికి నిదర్శనంగా శనివారం కీలక నేతల మధ్య మర్యాదపూర్వక భేటీలు జరిగాయి. ఈ సందర్భంగా కామారెడ్డి జిల్లా డిసిసి అధ్యక్షులు ఏలే మల్లికార్జున్ గారు జిల్లా మాజీ డిసిసి అధ్యక్షులు కైలాష్ శ్రీనివాస్ గారిని మర్యాదపూర్వకంగా కలిసి శాలువాతో సత్కరించారు.ప్రతిస్పందనగా కైలాష్ శ్రీనివాస్ గారు కూడా ప్రస్తుత డిసిసి అధ్యక్షులు ఏలే మల్లికార్జున్ గారిని శాలువాతో సత్కరించి సన్మానించారు. ఈ భేటీ జిల్లా కాంగ్రెస్‌లో సీనియర్–జూనియర్ నాయకుల మధ్య సమన్వయానికి ప్రతీకగా నిలిచింది. అనంతరం కామారెడ్డి జిల్లా గ్రంథాలయ చైర్మన్ మద్ది చంద్రకాంత్ రెడ్డి గారిని కూడా వారు మర్యాదపూర్వకంగా కలిసి శుభాకాంక్షలు తెలియజేశారు.ఇదే క్రమంలో, కామారెడ్డి జిల్లా కేంద్రానికి చెందిన కామారెడ్డి మండల కాంగ్రెస్ పార్టీ అధ్యక్షులు గూడెం శ్రీనివాస్ రెడ్డి గారు డిసిసి అధ్యక్షులు ఏలే మల్లికార్జున్ గారిని శాలువాతో సత్కరించారు. అలాగే జిల్లా సీనియర్ నాయకులు నయుం గారిని కూడా కలిసిన డిసిసి అధ్యక్షులు మల్లికార్జున్ గారు, ఆయనను శాలువాతో సన్మానించారు.ఈ కార్యక్రమంలో డిసిసి అధ్యక్షులు ఏలే మల్లికార్జున్ గారితో పాటు రాష్ట్ర యువజన కాంగ్రెస్ నాయకులు సాయి పటేల్ గారు, NRI భుజం గారి భాస్కర్ రెడ్డి గారు పాల్గొన్నారు.ఈ భేటీలు, సత్కార కార్యక్రమాలు కాంగ్రెస్ పార్టీని మరింత బలోపేతం చేయాలనే సంకల్పాన్ని ప్రతిబింబిస్తున్నాయని నాయకులు పేర్కొన్నారు.