జనం న్యూస్‌ 02 జనవరి, విజయనగరం టౌన్‌ రిపోర్టర్‌ గోపికృష్ణ పట్నాయక్‌

నూతన సంవత్సర వేడుకలు విజయనగరం జిల్లా ఎస్పీ క్యాంప్ కార్యాలయ ప్రాంగణంలో తే. 01-01-2026న ఘనంగా జరిగాయి. అదనపు ఎస్పీ పి.సౌమ్యలత, విజయనగరం డిఎస్పీ ఆర్.గోవిందరావు, బొబ్బిలి డిఎస్పీ జి.భవ్యరెడ్డి, చీపురుపల్లి డిఎస్పీ ఎస్.రాఘవులు, ఎస్సి ఎస్టి సెల్ డిఎస్పీ ఎమ్.వీరాకుమార్, డిటిసి డిఎస్పీ పి.నారాయణ రావు, ఎఆర్ డిఎస్పీ ఇ.కోటిరెడ్డి, ఎస్బి సి ఐ లు ఏ.వి.లీలారావు, ఎస్.విద్యాసాగర్ తదితరులు జిల్లా ఎస్పీని కలిసి నూతన సంవత్సర శుభాకాంక్షలు తెలిపారు. ఈ కార్యక్రమంలో పట్టణ ప్రముఖులు, స్వచ్ఛంద సంస్థల సభ్యులు, ఇతర శాఖల అధికారులు, మీడియా ప్రతినిధులు, సిఐలు, ఆర్ఐలు, ఎస్ఐలు, ఆర్ఎస్ఐలు మరియు జిల్లా పోలీసు కార్యాలయ సిబ్బంది పాల్గొన్నారు.
ఈ సందర్భంగా జిల్లా ఎస్పీ ఏ.ఆర్. దామోదర్ మాట్లాడిన ముఖ్యాంశాలు:

లక్ష్యాల సాధన: ఈ నూతన సంవత్సరంలో పోలీసుశాఖ నిర్దేశించుకున్న లక్ష్యాలను చేరుకొనే విధంగా ప్రతి ఒక్కరూ సమర్ధవంతంగా పనిచేయాలి.

ప్రజలకు సేవ: ప్రజలందరికీ మంచి సేవలందిస్తూ పోలీసుశాఖ ప్రతిష్టను పెంచే విధంగా పనిచేయాలని పిలుపునిచ్చారు.

క్షేమ సమాచార ఆకాంక్ష: విజయనగరం జిల్లా ప్రజలందరూ సుభిక్షంగా, సంతోషంగా ఉండాలని, పోలీసు అధికారులు మరియు వారి కుటుంబ సభ్యులు నిర్దేశించుకున్న లక్ష్యాలను చేరుకొని విజయాలు అందుకోవాలని ఆకాంక్షించారు.

ప్రజల సహకారం: జిల్లాలో శాంతియుత వాతావరణం నెలకొనేలా పోలీసులు చేపట్టే చర్యలకు ప్రజలు తమ వంతు సహకారాన్ని అందించాలని కోరారు.

బాధ్యతాయుత పౌరులుగా: జిల్లాను అభివృద్ధి పథంలో నడిపేందుకు ప్రతి ఒక్కరూ బాధ్యత కలిగిన పౌరునిగా వ్యవహరించాలని కోరారు.వేడుకల్లో భాగంగా జిల్లా ఎస్పీ ఏ.ఆర్. దామోదర్ సతీసమేతంగా కేకు కట్ చేసి, అందరికీ నూతన సంవత్సర శుభాకాంక్షలు తెలిపి, కేకును పంచిపెట్టారు.