జనం న్యూస్‌ 14 జనవరి, విజయనగరం టౌన్‌ రిపోర్టర్‌ గోపికృష్ణ పట్నాయక్‌

రాష్ట్రంలోని ప్రభుత్వ మెడికల్ కాలేజీలను ప్రైవేటు పరం చేయాలని కూటమి ప్రభుత్వం తీసుకున్న నిర్ణయం అత్యంత దుర్మార్గమైనదని విజయనగరం జిల్లా వైఎస్ఆర్ కాంగ్రెస్ పార్టీ అధ్యక్షులు, జడ్పీ చైర్మన్ మరియు భీమిలి నియోజకవర్గ సమన్వయకర్త మజ్జి శ్రీనివాసరావు మండిపడ్డారు. ప్రభుత్వ నిర్ణయానికి నిరసనగా ఈరోజు ధరంపురిలోని తన క్యాంప్ కార్యాలయం వద్ద వైఎస్ఆర్సిపి నేతలతో కలిసి ఆయన ప్రభుత్వ జీవో ప్రతులను భోగిమంటల్లో వేసి దగ్ధం చేశారు.ఈ సందర్భంగా మజ్జి శ్రీనివాసరావు మాట్లాడుతూ.. కూటమి ప్రభుత్వం అధికారం చేపట్టిన నాటి నుండి ప్రజా వ్యతిరేక నిర్ణయాలతో సామాన్యుల నడ్డి విరుస్తోందని విమర్శించారు. మెడికల్ కాలేజీలను ప్రైవేటు వ్యక్తుల చేతుల్లో పెడితే భవిష్యత్తులో కరోనా వంటి విపత్తులు సంభవించినప్పుడు సామాన్య ప్రజలకు వైద్యం అందడం గగనమవుతుందని ఆందోళన వ్యక్తం చేశారు.ఈ సందర్భంగా ఆయన వెల్లడించిన ముఖ్య అంశాలు:ప్రజా వ్యతిరేక నిర్ణయాలు: కూటమి ప్రభుత్వం ప్రజల ప్రయోజనాలను విస్మరించి, కార్పొరేట్ శక్తులకు మేలు చేసేలా నిర్ణయాలు తీసుకుంటోంది.వైద్యం దూరం: మెడికల్ కాలేజీల ప్రైవేటీకరణ ద్వారా పేద ప్రజలకు అందాల్సిన ఉచిత ప్రభుత్వ వైద్యాన్ని దూరం చేసే కుట్ర జరుగుతోంది. దీనిని వైఎస్ఆర్ కాంగ్రెస్ పార్టీ తీవ్రంగా వ్యతిరేకిస్తుంది.సర్వత్రా నిరసన: రాష్ట్రంలోని అన్ని వర్గాల ప్రజలు, మేధావులు ఈ ప్రైవేటీకరణను వ్యతిరేకిస్తున్నారని, ప్రభుత్వం ఇప్పటికైనా తన మొండి వైఖరిని వీడాలని డిమాండ్ చేశారు.వైఎస్ఆర్ ప్రభుత్వం ప్రతిష్టాత్మకంగా నిర్మించిన వైద్య మౌలిక సదుపాయాలను నిర్వీర్యం చేయడం అన్యాయమని, ప్రజల పక్షాన ఈ పోరాటాన్ని ఉధృతం చేస్తామని ఆయన హెచ్చరించారు.ఈ కార్యక్రమంలో:వైఎస్ఆర్సిపి నాయకురాలు మజ్జి సిరి సహస్ర (సిరిమ్మ), నెల్లిమర్ల యువజన విభాగ అధ్యక్షులు బడ్డుకొండ ప్రదీప్, రాష్ట్ర పార్టీ కార్యదర్శి కెవి సూర్యనారాయణరాజు, జిల్లా ప్రధాన కార్యదర్శులు వర్రి నరసింహమూర్తి, ఇప్పిలి అనంత్, గొర్లె రవికుమార్, జిల్లా BC సెల్ అధ్యక్షులు జనార్ధన్, యువజన విభాగం అధ్యక్షులు అవినాష్, SC విభాగ అధ్యక్షులు జైహింద్ కుమార్, ప్రచార విభాగ అధ్యక్షులు వలిరెడ్డి శ్రీనివాసరావు, మండల పార్టీ అధ్యక్షులు పతివాడ అప్పలనాయుడు, వరహాల నాయుడు, తెర్లాం వైస్ ఎంపీపీ సత్యనారాయణ పాల్గొన్నారు.