జనం న్యూస్‌ 08 ఫిబ్రవరి, విజయనగరం టౌన్‌ రిపోర్టర్‌ గోపికృష్ణ పట్నాయక్‌

భీమిలి నియోజకవర్గం చిట్టివలస గ్రామంలో శ్రీ లక్ష్మీ శ్రీనివాస కళ్యాణ మండపం నందు జీవీఎంసీ 1, 2, 3, 4 వార్డుల వైఎస్సార్‌సీపీ విస్తృత స్థాయి సమావేశం జగ్గుబిల్లి ప్రసాద్ అధ్యక్షతన ఘనంగా జరిగింది. ఈ సమావేశానికి ముఖ్య అతిథిగా విజయనగరం జిల్లా పరిషత్ చైర్మన్, జిల్లా పార్టీ అధ్యక్షులు మరియు భీమిలి నియోజకవర్గ సమన్వయకర్త మజ్జి శ్రీనివాసరావు (చిన్న శ్రీను) హాజరయ్యారు. వారితో పాటు విశాఖ జిల్లా పార్టీ అధ్యక్షులు కేకే రాజు, ఎమ్మెల్సీ కుంబా రవిబాబు, మాజీ ఎమ్మెల్యేలు తైనాల విజయకుమార్, చిన్న శ్రీను కుమార్తె, చిన్న శ్రీను సోల్జర్స్ అధ్యక్షురాలు సిరిమ్మ, జోనల్ యువజన విభాగ అధ్యక్షులు అంబటి శైలేష్ తదితరులు పాల్గొని కార్యకర్తలకు దిశానిర్దేశం చేశారు.ప్రభుత్వ వైఫల్యాలను ఎండగట్టిన మజ్జి శ్రీనివాసరావు:
సమావేశంలో మజ్జి శ్రీనివాసరావు మాట్లాడుతూ.. వార్డు కమిటీలను యుద్ధ ప్రాతిపదికన పూర్తి చేసి పార్టీని క్షేత్రస్థాయిలో బలోపేతం చేయాలని కార్యకర్తలకు పిలుపునిచ్చారు. కూటమి ప్రభుత్వం అధికారంలోకి వచ్చిన నాటి నుండి హామీలను నెరవేర్చడంలో విఫలమైందని, ప్రజల దృష్టిని మళ్లించేందుకు 'డైверషన్ పాలిటిక్స్' చేస్తోందని విమర్శించారు. తిరుమల లడ్డూ ప్రసాదంపై లేనిపోని నిందలు వేసి భక్తుల మనోభావాలను దెబ్బతీశారని, అయితే కోర్టు ఆదేశించిన విచారణలో నిజాలు వెలుగులోకి వచ్చాయని పేర్కొన్నారు.2029 లక్ష్యంగా కదలాలి – సిరిమ్మ పిలుపు:జగన్ ను మళ్లీ ముఖ్యమంత్రిని చేయడమే ధ్యేయంగా పని చేయాలని చిన్న శ్రీను సోల్జర్స్ అధ్యక్షురాలు సిరిమ్మ కార్యకర్తలను ఉద్దేశించి ప్రసంగించారు. 2029లో వైఎస్ జగన్ మోహన్ రెడ్డి మళ్లీ ముఖ్యమంత్రి కావడం ఖాయమని ధీమా వ్యక్తం చేశారు. మజ్జి శ్రీనివాసరావును భారీ మెజార్టీతో గెలిపించి, అతడిని మంత్రిగా చూడటమే మన తదుపరి లక్ష్యం కావాలని సూచించారు. "మజ్జి శ్రీనివాసరావు గెలుపు అనంతరం, మీ ఇంటి బిడ్డగా మీ కష్టసుఖాల్లో పాలుపంచుకుంటాను" అని సిరిమ్మ ప్రకటించారు.పాల్గొన్న ముఖ్య నాయకులు:ఈ కార్యక్రమంలో నాలుగు వార్డుల అధ్యక్షులు జగ్గుబిల్లి ప్రసాదు, చెల్లా భాస్కర్ రెడ్డి, అల్లిబిల్లి నరసింగరావు, రాంబాబు, కార్పొరేటర్ అక్రమాన్ని రామ్ నాయుడు, రమణారెడ్డి, వెంకటరెడ్డి, రాంబాబు, హరి కిరణ్, మధు, ఎల్లాజీ, ఈశ్వర్ రెడ్డి, వంశీ, షణ్ముఖరావు, వెంకటేష్, సత్యనారాయణ, వెంకటేష్, మంగరాజు, ప్రభాకర్ నాయుడు ఇతర ముఖ్య నాయకులు, కార్యకర్తలు పాల్గొన్నారు.