జనం న్యూస్ ఫిబ్రవరి 14 తెలంగాణ స్టేట్ ఇన్చార్జి శ్రీనివాస్ రెడ్డి

వినియోగదారుల విశ్వాసమే వ్యాపార విజయానికి పునాది అని బండి రమేష్ స్పష్టం చేశారు. కూకట్పల్లి కాంగ్రెస్ పార్టీ ఇన్‌చార్జిగా, టీపీసీసీ ఉపాధ్యక్షుడిగా ఉన్న ఆయన శుక్రవారం బేగంపేట డివిజన్ ప్రకాష్ నగర్‌లో నూతనంగా ప్రారంభమైన “డెక్కన్ గార్మెంట్స్” షోరూమ్‌ను ముఖ్య అతిథిగా హాజరై ప్రారంభించారు.
ప్రారంభోత్సవ వేడుకలు సాదాసీదాగా జరిగినప్పటికీ, స్థానిక వ్యాపార వర్గాలు, ప్రజాప్రతినిధులు, కాలనీవాసుల హాజరుతో ఉత్సాహభరిత వాతావరణం నెలకొంది. షోరూమ్ యజమానులు ఇంతియాజ్, మున్వర్ అలీ రిబ్బన్ కట్ చేసి షోరూమ్‌ను ప్రారంభించగా, అనంతరం అతిథులను సన్మానించారు.ఈ సందర్భంగా మాట్లాడిన బండి రమేష్, “అధిక లాభాపేక్ష కాకుండా వినియోగదారుల మనసు చూరగొనేలా వ్యాపార నిర్వహణ ఉండాలి. అందుబాటు ధరలు, నాణ్యమైన వస్త్రాలు, వినయపూర్వక సేవ—ఈ మూడు ఉంటే వ్యాపారం స్వయంగా అభివృద్ధి చెందుతుంది” అని సూచించారు. వినియోగదారుల నమ్మకం సంపాదించడం అత్యంత ముఖ్యమని ఆయన పేర్కొన్నారు. స్థానికంగా ఉపాధి అవకాశాలు సృష్టించే ఈ తరహా షోరూమ్‌లు సమాజ అభివృద్ధికి దోహదం చేస్తాయని అభిప్రాయపడ్డారు.నిర్వాహకులు మాట్లాడుతూ, అన్ని వర్గాల ప్రజలకు అందుబాటులో ఉండే విధంగా పురుషులు, మహిళలు, పిల్లల కోసం విభిన్న రకాల దుస్తులను అందుబాటులో ఉంచినట్లు తెలిపారు. పండుగల సందర్భాల్లో ప్రత్యేక ఆఫర్లు కూడా ఉండనున్నాయని వెల్లడించారు.
ఈ కార్యక్రమంలో రమాదేవి, అరుణ్, సృజిత్ గౌడ్, కరుణాకర్, శ్రీనివాస్ రెడ్డి, టోచర్, నరేష్, బాబు, పర్వేజ్, జాను తదితరులు పాల్గొన్నారు. కార్యక్రమం అనంతరం అతిథులు షోరూమ్‌ను సందర్శించి నిర్వాహకులను అభినందించారు.