జనం న్యూస్, ఫిబ్రవరి 17: తెలంగాణ స్టేట్ ఇన్చార్జి శ్రీనివాస్ రెడ్డి

శేర్లింగంపల్లి నియోజకవర్గ పరిధిలోని వివేకానంద నగర్ డివిజన్‌లో తెలంగాణ రాష్ట్ర తొలి ముఖ్యమంత్రి, రాష్ట్ర ఆవిర్భావ శిల్పిగా గుర్తింపు పొందిన కల్వకుంట్ల చంద్రశేఖర్ రావు జన్మదిన వేడుకలు ఘనంగా నిర్వహించారు. మాధవరం కాలనీలో ఉన్న డివిజన్ పార్టీ కార్యాలయం ప్రాంగణం వేడుకల సందడితో కళకళలాడింది.మాజీ కార్పొరేటర్ మాధవరం రోజా దేవి ఆధ్వర్యంలో నిర్వహించిన ఈ కార్యక్రమంలో స్థానిక ప్రజలు, పార్టీ నాయకులు, కార్యకర్తలు పెద్ద సంఖ్యలో పాల్గొన్నారు. కేక్ కట్ చేసి కేసీఆర్‌కు జన్మదిన శుభాకాంక్షలు తెలియజేస్తూ ఆయన దీర్ఘాయుష్షు, ఆరోగ్యం కోరారు. కార్యాలయ ప్రాంగణం పార్టీ జెండాలతో, కేసీఆర్ చిత్రాలతో అలంకరించబడింది.ఈ సందర్భంగా మాధవరం రోజా దేవి మాట్లాడుతూ, “తెలంగాణ రాష్ట్ర సాధనలో కేసీఆర్ గారి పట్టుదల, త్యాగం, అంకితభావం చిరస్మరణీయం. ఆయన నాయకత్వంలో రాష్ట్రం అన్ని రంగాల్లో అభివృద్ధి సాధించింది. రైతులకు, మహిళలకు, పేదలకు అనేక సంక్షేమ పథకాలు అమలు చేసి ప్రజల జీవితాల్లో స్పష్టమైన మార్పు తీసుకువచ్చారు. ఆయన చూపిన అభివృద్ధి దిశలోనే మేము ముందుకు సాగుతూ ప్రజలకు మరింత మెరుగైన సేవలు అందించడానికి కట్టుబడి ఉన్నాము,” అని పేర్కొన్నారు.పార్టీ శ్రేణులు కేసీఆర్ నాయకత్వాన్ని స్మరించుకుంటూ ఆయన రాజకీయ ప్రస్థానాన్ని కొనియాడారు. కార్యక్రమం అంతటా ఉత్సాహభరిత వాతావరణం నెలకొంది.ఈ కార్యక్రమంలో గొట్టుముక్కల పెద్దభాస్కర్ రావు, మాచర్ల భద్రయ్య, ఆంజనేయులు, బాబూరావు, ప్రవీణ్, విక్రమ్, ఈశ్వర్, వెంకట్ రెడ్డి, శ్రీనివాస్, రమణ రెడ్డి, రాజు, సిల్వర్ మనీష్, సత్యనారాయణ, బాబు, రామచందర్, సోమయ్య, కొండలరావు, అనిల్, లక్ష్మణ్, నరసింహ రెడ్డి, వాసు, విద్యాసాగర్, రామారావు, శ్రీధర్, వెంకన్న, శేఖర్, రాము, శ్రీధర్ రావు, మురళి, రాజశేఖర్, వెంకటేశ్వర రావు, జై, కుమార్ యాదవ్, శ్రీనివాస్, వాసు, విజయ్ సాగర్, కిషన్, సోమేష్, రాజు, కేబుల్ రమేష్, రవీందర్, అరవింద్, నరేష్, సంతోష్, రామ్మూర్తి, రాజు యాదవ్, బిందెల్ రాము, శ్రీనివాస్ యాదవ్, సంతోష్, జగదీష్, నవీన్, వినయ్, మోహన్ చారి, రాము, సంతోష్, అనిత, శైలజ, రాధిక, కరుణ, అనురాధ, శ్రావణి తదితరులు పాల్గొన్నారు.