ఫైర్ అండ్ సేఫ్టీ అధికారులకు కృతజ్ఞతలు తెలిపిన ప్రిన్సిపాల్ బుర్ర ప్రసాద్ గౌడ్

జనం న్యూస్, మార్చ్ 6, జగిత్యాల జిల్లా

, మెట్ పల్లి, పట్టణంలో గల బ్రూక్లిన్ గ్లామర్ హై స్కూల్ పాఠశాలలో విద్యార్థులకు అగ్ని ప్రమాదాల సమయంలో తీసుకోవాల్సిన జాగ్రత్తలు మరియు రక్షణ పద్ధతుల గురించి అవగాహన కల్పించే కార్యక్రమం నిర్వహించారు. ఈ కార్యక్రమంలో అగ్నిమాపక శాఖ సిబ్బంది పాల్గొని ఫైర్ ఎక్స్టింగ్విషర్, ఫైర్ హోస్, సేఫ్టీ హెల్మెట్, లైఫ్ జాకెట్ వంటి రక్షణ పరికరాలను విద్యార్థులకు చూపించి వాటి వినియోగ విధానాన్ని వివరించారు.అగ్ని ప్రమాదం సంభవించినప్పుడు ఎలా స్పందించాలి, ప్రమాదాన్ని ఎలా నివారించాలి, మరియు అత్యవసర పరిస్థితుల్లో ఎలా సురక్షితంగా బయటపడాలి అనే అంశాలపై విద్యార్థులకు ప్రాక్టికల్ డెమో ఇచ్చారు. ఈ కార్యక్రమం ద్వారా విద్యార్థుల్లో భద్రతపై అవగాహన పెంపొందించడమే లక్ష్యంగా నిర్వహించారు.విద్యార్థులు ఎంతో ఆసక్తిగా పాల్గొని ఫైర్ సేఫ్టీ గురించి ముఖ్యమైన విషయాలను తెలుసుకున్నారు. ఈ కార్యక్రమన్ని ఉద్దేశించి పాఠశాల ప్రిన్సిపాల్ బుర్ర ప్రసాద్ గౌడ్ మాట్లాడుతూ ఈ కార్యక్రమం ద్వారా విద్యార్థులకు భవిష్యత్తులో ప్రమాదాలను ఎదుర్కొనేందుకు అవసరమైన జ్ఞానం మరియు ధైర్యాన్ని కలిగించింది అని ఏదైనా సందర్భంలో ఫైర్ అండ్ సేఫ్టీ సమస్య తలెత్తినప్పుడు విద్యార్థులు అగ్నిమాపక శాఖ సిబ్బంది వివరించిన విధంగా చాకచౌక్యంగా వ్యవహరించి ప్రమాదం నుంచి బయటపడాలని విద్యార్థులకు సూచించారు, ఈ కార్యక్రమాన్ని నిర్వహించినందుకు గాను అగ్నిమాపక శాఖ సిబ్బందికి కృతజ్ఞతలు తెలిపారు, ఈ కార్యక్రమంలో ఫైర్ & సేఫ్టీ సిబ్బంది పాఠశాల సిబ్బంది విద్యార్థులు పాల్గొన్నారు