జనం న్యూస్ మార్చు 21 తెలంగాణ స్టేట్ ఇంచార్జి శ్రీనివాస్ రెడ్డి : వెంకటేశ్వర నగర్ డివిజన్‌ లో కాంగ్రెస్ పార్టీ సీనియర్ నాయకుడు, పాపిరెడ్డి నగర్ కాంటెస్టెడ్ అధ్యక్షుడు చిట్టిరెడ్డి శ్రీధర్ రెడ్డి జన్మదిన వేడుకలు పాపిరెడ్డి నగర్ రెడ్డి సంఘం బిల్డింగ్ లో ఘనంగా నిర్వహించబడ్డాయి. ఈ సందర్భంగా పాపిరెడ్డి నగర్‌తో పాటు పరిసర కాలనీల నుంచి పెద్ద సంఖ్యలో స్థానికులు, మిత్రులు, శ్రేయోభిలాషులు, అభిమానులు, మహిళలు పాల్గొని కార్యక్రమాన్ని ఉత్సాహభరితంగా మార్చారు. వేడుకల్లో భాగంగా శ్రీధర్ రెడ్డి చేత కేక్ కట్ చేయించి, శాలువాతో ఘనంగా సన్మానించారు. పాల్గొన్న వారందరూ ఆయనకు జన్మదిన శుభాకాంక్షలు తెలుపుతూ, భవిష్యత్తులో మరింత ఉన్నత స్థానాలు అధిరోహించాలని ఆకాంక్షించారు. ఈ కార్యక్రమానికి కూకట్పల్లి డివిజన్ మాజీ కార్పొరేటర్ జూపల్లి సత్యనారాయణ ముఖ్య అతిథిగా హాజరై, శ్రీధర్ రెడ్డిని అభినందించారు. ఆయన మాట్లాడుతూ, స్థానిక ప్రజల మధ్య మంచి పేరు సంపాదించుకున్న శ్రీధర్ రెడ్డి మరింత సేవా కార్యక్రమాలు చేపట్టాలని సూచించారు.కార్యక్రమంలో శేరిలింగంపల్లి, కూకట్పల్లి నియోజకవర్గాలకు చెందిన సీనియర్ నాయకులు, వివిధ కార్మిక సంఘాల ప్రతినిధులు, మీడియా ప్రతినిధులు పెద్ద సంఖ్యలో పాల్గొన్నారు. వేడుకలు స్నేహపూర్వక వాతావరణంలో సాగి, పాల్గొన్న వారందరిలో ఆనందాన్ని నింపాయి.