జనం న్యూస్ | మార్చి 25 | తెలంగాణ స్టేట్ ఇంచార్జ్: శ్రీనివాస్ రెడ్డి

వివేకానంద నగర్ డివిజన్ పరిధిలో ప్రజా సేవా కార్యక్రమాల పట్ల ఆసక్తి పెరుగుతున్న నేపథ్యంలో, బిజెపి రాష్ట్ర నాయకులు భాస్కర్ రెడ్డి ఆధ్వర్యంలో బుధవారం ఉచిత వైద్య శిబిరం నిర్వహించబడింది. సీనియర్ సిటిజన్ పార్క్ వద్ద ఏర్పాటు చేసిన ఈ శిబిరానికి స్థానిక ప్రజల నుండి విశేష స్పందన లభించింది.
మెడికవర్ హాస్పిటల్ సహకారంతో నిర్వహించిన ఈ శిబిరంలో రెండు వందల మందికి పైగా ప్రజలకు ఉచితంగా రక్తపోటు (బీపీ), షుగర్ పరీక్షలు, ఈసీజీ, డెంటల్ చెకప్‌లు నిర్వహించారు. నిపుణులైన వైద్యుల పర్యవేక్షణలో పరీక్షలు జరగడం వల్ల ప్రజలు తమ ఆరోగ్య పరిస్థితులపై అవగాహన పొందారు. ముఖ్యంగా వృద్ధులకు ఈ శిబిరం ఎంతో ఉపయుక్తమైందని నిర్వాహకులు తెలిపారు.ఈ సందర్భంగా భాస్కర్ రెడ్డి మాట్లాడుతూ, ప్రజల ఆరోగ్య పరిరక్షణ కోసం ఇలాంటి శిబిరాలను మరింత విస్తృతంగా నిర్వహించేందుకు కట్టుబడి ఉన్నామని చెప్పారు. భవిష్యత్తులో కూడా ఉచిత వైద్య సేవలను అందించేందుకు చర్యలు కొనసాగిస్తామని హామీ ఇచ్చారు.ఈ కార్యక్రమంలో మెడికవర్ హాస్పిటల్ సీనియర్ మార్కెట్ ఎగ్జిక్యూటివ్ డేవిడ్, ప్రశాంత్ కుమార్, అలాగే రమేష్, రాజు యాదవ్, త్రినాధ్ కుమార్, కృష్ణమూర్తి తదితరులు పాల్గొన్నారు. కార్యక్రమం సజావుగా నిర్వహించేందుకు స్థానిక కార్యకర్తలు సహకరించారు.