జనం న్యూస్, ఏప్రిల్ 02: నిజామాబాద్ జిల్లా ఏర్గట్ల

మండలంలోని గుమ్మిర్యాల్ గ్రామంలో ఉన్న పాటిహనుమాన్ ఆలయంలో హనుమాన్ జయంతి వేడుకలు అత్యంత భక్తిశ్రద్ధలతో నిర్వహించబడ్డాయి. ఈ సందర్భంగా గ్రామాభివృద్ధి కమిటీ ఆధ్వర్యంలో భక్తులకు అన్నదాన కార్యక్రమం ఏర్పాటు చేశారు.ఈ పుణ్యదినం సందర్భంగా సమీప గ్రామాల నుండి భారీ సంఖ్యలో భక్తులు తరలివచ్చి స్వామివారిని దర్శించుకుని ప్రత్యేక పూజలు, హారతుల్లో పాల్గొన్నారు. ఆలయ పరిసరాలు భక్తిరసంతో నిండిపోగా, భక్తులు తీర్థప్రసాదాలు స్వీకరించి ఆధ్యాత్మిక ఆనందాన్ని అనుభవించారు.తరువాత నిర్వహించిన అన్నదాన కార్యక్రమంలో భాగంగా భక్తులకు అన్నప్రసాదం వడ్డించి సేవాభావాన్ని చాటుకున్నారు. ఈ కార్యక్రమం విజయవంతంగా సాగడంతో గ్రామంలో ఐక్యత, భక్తి భావాలు మరింత బలపడ్డాయని గ్రామ కమిటీ సభ్యులు పేర్కొన్నారు.