• మోడల్ ఇంటి నిర్మాణాలపై లబ్ధిదారులకు అవగాహన కల్పించాలి..
• ఇందిరమ్మ మోడల్ ఇంటి నిర్మాణాన్ని పరిశీలించిన రాష్ట్ర,జిల్లా అధికారులు
• రాష్ట్ర హౌసింగ్ ఎండి గౌతమ్,
  జిల్లా కలెక్టర్ తేజస్ నందలాల్ పవార్

జనం న్యూస్ ఫిబ్రవరి 24(నడిగూడెం) రాష్ట్ర ప్రభుత్వం ప్రతిష్టాత్మకంగా చేపట్టిన ఇందిరమ్మ మోడల్ ఇంటినిర్మాణాలను అన్ని మండల కేంద్రాలలో సాధ్యమైనంత తొందరలో పూర్తి చేయాలని రాష్ట్ర హౌసింగ్ బోర్డు మేనేజ్మెంట్ డైరెక్టర్ గౌతం అన్నారు. నడిగూడెం మండలకేంద్రంలో మండల పరిషత్ కార్యాలయ ఆవరణలో నిర్మిస్తున్న ఇందిరమ్మ మోడల్ ఇంటి నిర్మాణ పనులను రాష్ట్ర హౌసింగ్ బోర్డ్ మేనేజింగ్ డైరెక్టర్ గౌతమ్,జిల్లా కలెక్టర్ తేజస్వి నందలాల్ పవార్ సోమవారం రోజు పరిశీలించారు.ఈ సందర్భంగా వారు మాట్లాడుతూఐదు లక్షల రూపాయల వ్యయంతో నిర్మిస్తున్న ఇందిరమ్మ మోడల్ హౌస్ నిర్మాణాలు పూర్తి చేసి ఇందిరమ్మ ఇండ్ల లబ్ధిదారులకు అవగాహన కల్పించాలని వారు అధికారులు కోరారు. మండల కేంద్రంలో నిర్మిస్తున్న ఇందిరమ్మ ఇల్లు బెడ్రూమ్,హాల్,కిచెన్,టాయిలెట్స్ నిర్మాణాలను క్షుణ్ణంగా పరిశీలించారు.హౌసింగ్ పీడీ ధర్మారెడ్డి మోడల్ హౌస్ వివరాలను వారికి వివరంగా తెలిపారు.మండల కేంద్రంలో నిర్మిస్తున్న మోడల్ హౌస్ వివరాలను లబ్ధిదారులకు అవగాహన కల్పించాలని,ఐదు లక్షల రూపాయలతో ఇందిరమ్మ ఇంటి నిర్మాణాలు పూర్తవుతాయని వారికి అవగాహన కల్పించాలని కోరారు.దీంతోపాటు నిర్మాణాలు చేస్తున్న తాపీ మేస్త్రీలకు శిక్షణలు ఇచ్చి నిర్మాణాలు చేపట్టే విధంగా అధికారులు చర్యలు తీసుకోవాలని వారు కోరారు.సూర్యాపేట,హుజూర్నగర్,కోదాడ నడిగూడెం మండల కేంద్రాల్లో తాపీ మేస్త్రులకు శిక్షణ ఇచ్చేందుకు చర్యలు చేపట్టాలని వారు కోరారు.ఇందిరమ్మ మోడల్ హౌస్ ప్రత్యేకతలను,నిర్మాణాలకు అవసరమయ్యే బిల్డింగ్ మెటీరియల్ సరఫరా చేసే వ్యాపారస్తులతో చర్చించి తక్కువ ధరలతో సప్లై చేసే విధంగా చర్యలు తీసుకోవాలని జిల్లా కలెక్టర్ తేజస్వి నందలాల్ పవర్ అధికారులను కోరారు.5 లక్షల రూపాయలకు మించకుండా పనులు పూర్తి చేయాలని వారు కోరారు. ఈ కార్యక్రమంలో మండల ప్రత్యేక అధికారి (డీఎఫ్ఓ) సతీష్ కుమార్,ఆర్డీవో సూర్యనారాయణ,తహశీల్దార్ సరిత, వర్క్ ఇన్స్పెక్టర్ షేక్ అబ్దుల్లా,ఎంపీడీవో దాసరి సంజీవయ్య,హౌసింగ్ ఏఈ జె. మూర్తి,ఎంపీఓ విజయ్ కుమారి, సూపరిండెంట్ సయ్యద్ ఇమామ్, ఆర్డబ్ల్యూఎస్ ఏఈ ఇర్ఫాన్,ఇందిరమ్మ మోడల్ ఇంటి నిర్మాణ మేస్త్రి ఎండి అఫ్జల్, పంచాయతీ కార్యదర్శి ఎలక ఉమారాణి కార్యాలయ సిబ్బంది తదితరులు పాల్గొన్నారు.