జనంలో సంగారెడ్డి జిల్లా ఇన్చార్జ్. బి వీరేశం సెప్టెంబర్ 29. 09. 2026 పస్తాపూర్: దివంగత శ్రీ ప్రతాప్ రెడ్డి వర్ధంతి సందర్భంగా పస్తాపూర్‌లో నిర్వహించిన కార్యక్రమంలో రాష్ట్ర ఎస్సీ కార్పొరేషన్ మాజీ చైర్మన్ వై. నరోత్తం పాల్గొని ఘనంగా నివాళులర్పించారు. ప్రతాప్ రెడ్డి విగ్రహానికి పూలమాల వేసి ఆయన సేవలను స్మరించుకున్నారు. ఈ సందర్భంగా నరోత్తం మాట్లాడుతూ, దివంగత ప్రతాప్ రెడ్డి ప్రజలకు చేసిన సేవలు, సామాజిక కార్యక్రమాల్లో ఆయన అందించిన కృషి చిరస్మరణీయమని పేర్కొన్నారు. ఆయన ఆశయాలను స్మరించుకుంటూ ప్రజా సేవలో ముందుకు సాగాల్సిన అవసరం ఉందన్నారు. ఈ కార్యక్రమంలో శుక్లా వర్ధన్ రెడ్డి, సీనియర్ బీఆర్‌ఎస్ నాయకులు నామా రవి కిరణ్, గోపాల్, విష్ణువర్ధన్ రెడ్డి, మల్లేష్, పవన్ రాథోడ్ తదితరులు పాల్గొని దివంగత ప్రతాప్ రెడ్డికి నివాళులర్పించారు.