జనం న్యూస్ అక్టోబర్ 12 ముమ్మిడివరం ప్రతినిధి డాక్టర్ బి.ఆర్ అంబేద్కర్ కోనసీమ జిల్లా మలాపురం కలెక్టరేట్ గోదావరి భవనంలో జాయింట్ కలెక్టర్ నిదియా దేవికి ది అమలాపురం చాంబర్ ఆఫ్ కామర్స్ వినతి పత్రం అందించింది. తూర్పున వేస్తున్న రైల్వే లైన్ వల్ల నష్టాలు జరుగుతున్నాయని పేర్కొన్నారు. ఈ ట్రాక్ వల్ల నాలుగు చోట్ల హైవే క్రాసింగ్ వస్తుందని, తూర్పున ఉన్న జాతీయ రహదారి వెంబడి అమలాపురం విస్తరణ జరుగుతుండగా డిమార్ట్, శ్రీనిధి, జీఎస్ఎల్ హాస్పిటల్స్, సీబీఎస్ క్యాంపస్లు, నారాయణ, శ్రీ చైతన్య వంటి కార్పొరేట్ సంస్థలు, లేఔట్లు పెట్టుబడులకు వచ్చి రైల్వే లైన్ కారణంగా వెనక్కి వెళ్తున్నాయని తెలిపారు. అందువల్ల ప్రస్తుత లైన్‌ను పశ్చిమానికి మార్చాలని ఎమ్మెల్యే అయితాబత్తుల ఆనందరావు, ఎంపీ హరీష్ బాలయోగి ఆలోచనకు మద్దతుగా, పశ్చిమానికి మారిస్తే ప్రాజెక్టు త్వరగా, తక్కువ ఖర్చుతో పూర్తవుతుందని పేర్కొన్నారు. కార్యక్రమంలో చాంబర్ అధ్యక్షుడు బోణం సత్యవరప్రసాద్, ముఖ్య సలహాదారులు నల్లా పవన్, కంచిపల్లి అబ్బులు, ఉపాధ్యక్షులు మోకా వెంకటసుబ్బారావు, కోకా రాంబాబు, తేతల సత్యనారాయణ రెడ్డి, దోసూరి కాశి, ఆశేట్టి శ్రీనివాస్, వలవల శివరావు, కొవ్వూరి వెంకటరెడ్డి, అరిగెల నాని, మానే ప్రకాష్, గోకరకొండ ప్రసాద్ తదితర సభ్యులు పాల్గొన్నారు.