జనం న్యూస్ అక్టోబర్ 14 శాయంపేట మండలం రిపోర్టర్ మామిడి రవి శాయంపేట మండలం కలలు కనండి.జగత్తును మార్చండి అబ్దుల్ కలాం జయంతి. అక్టోబర్15-ప్రపంచ విద్యార్థుల దినోత్సవం సందర్భంగా పోగు అశోక్ సైకాలజిస్ట్ & మోటివేషనల్ స్పీకర్ మాట్లాడుతూ చీకటిని చీల్చుకుంటూ ఉదయించే తొలి కిరణంలా. సమాజంలో పేరుకుపోయిన అజ్ఞానాన్ని తొలగించడానికి విజ్ఞాన దీపాన్ని వెలిగించిన ఒక మహోన్నత శక్తి జన్మదినం అక్టోబర్ 15. ఆయన కేవలం ఒక వ్యక్తి కాదు. భారతదేశ యువత గుండెల్లో సగర్వంగా ఎగిరే ఆశల పతాకం. మన దేశ మాజీ రాష్ట్రపతి, 'మిసైల్ మ్యాన్', 'పీపుల్స్ ప్రెసిడెంట్' అయిన డాక్టర్ ఏ పీ జే అబ్దుల్ కలాం జయంతిని మనం 'ప్రపంచ విద్యార్థుల దినోత్సవం'గా అత్యంత ప్రతిష్టాత్మకంగా. జరుపుకుంటున్నాము. నేపథ్యం భారత మాజీ రాష్ట్రపతి, ప్రముఖ శాస్త్రవేత్త డాక్టర్ ఏ పీ జే అబ్దుల్ కలాం జయంతిని (అక్టోబర్ 15) 2010 సంవత్సరం నుండి ప్రపంచ విద్యార్థుల దినోత్సవంగా జరుపుకుంటున్నాము. కలాం కి విద్యార్థులన్నా, వారికి బోధించాలన్నా అమితమైన ఇష్టం. విద్యార్థుల పట్ల ఆయనకున్న ప్రేమకు, విద్యా రంగానికి ఆయన చేసిన సేవలకు గుర్తింపుగా ఆయన 79వ జయంతి (2010) సందర్భంగా ఈ దినోత్సవాన్ని. ప్రారంభించారు. భారతదేశంలో విద్యా రంగానికి విద్యార్థుల భవిష్యత్తుకు డాక్టర్ కలాం అందించిన స్పూర్తిని స్మరించుకుంటూ ప్రతి ఏటా అక్టోబర్ 15 నా దేశవ్యాప్తంగా ప్రత్యేక కార్యక్రమాలను నిర్వహిస్తారు.జ్ఞాన సముద్రానికి నూరేళ్ల నివాళి.కలలు కనండి. ఆ కలలను సాకారం చేసుకోండి. అయితే, నిద్రలో వచ్చేవి కలలు కావు, మిమ్మల్ని నిద్రపోనివ్వకుండా చేసేవే నిజమైన కలలు" ఈ అక్షర రూపం కేవలం మాటల గారడీ కాదు. కోట్లాది మంది విద్యార్థుల నరనరాల్లో ఉత్సాహాన్ని నింపిన జీవన వేదం. అబ్దుల్ కలాం అంటేనే ఒక నడిచే గ్రంథాలయం, ఒక నిస్వార్థ అంకితభావం. చిరిగిపోయిన బట్టలతో రామేశ్వరం ఇసుక తిన్నెలపై నడిచిన ఆ చిన్నారి పాదాలు, భవిష్యత్తులో దేశ రక్షణ రంగాన్ని శాసించే అసాధారణ శిఖరాలను అధిరోహిస్తాయని ఆనాడు ఎవరూ ఊహించి ఉండరు. కానీ ఆయన సంకల్ప బలం, జ్ఞాన పిపాస ఆ సామాన్యుడిని జాతి గర్వించదగ్గ మహా శిఖరంగా మార్చాయి.ఆలోచనాత్మక ప్రయాణం. నేడు సమాజం వేగంగా మారుతున్న ఈ తరుణంలో, కేవలం చదువు అంటే డిగ్రీలు సంపాదించడం కాదని, తోటి మనిషిని ప్రేమించే గుణం, దేశాన్ని ముందుకు నడిపించే నాయకత్వ లక్షణాలు. అలవర్చుకోవడమే అసలైన విద్య అని చాటిచెప్పిన. మహానుభావుడు కలాం విద్యార్థి దశ అనేది కేవలం ఒక వయసు కాదు.అదొక సృజనాత్మక దశ. ఆ దశ లో ప్రతి విద్యార్థి తమ భవిష్యత్తును తీర్చిదిద్దుకోవడానికి కలాం జీవితమే అత్యుత్తమ దిశానిర్దేశం. నాయకత్వ లక్షణాలు సమస్య వచ్చినప్పుడు భయపడి పారిపోవడం కాదు, దాన్ని పరిష్కరించే నాయకుడిగా ఎదగడమే అసలైన విద్య. అబ్దుల్ కలాం ఎప్పుడూ విద్యార్థులతో. మమేకమయ్యేవారు. వారి నవ్వుల్లో భవిష్యత్ భారతాన్ని చూసేవారు. అందుకే ఆయన తన చివరి శ్వాస విడిచింది కూడా ఒక లెక్చర్ హాల్‌లోనే, విద్యార్థులతో మాట్లాడుతున్న తరుణంలోనే కావడం యాదృచ్ఛికం కాదు. అది ఆయన విద్యపై పెట్టుకున్న అమర ప్రేమ. నేడు ప్రపంచ విద్యార్థి దినోత్సవం జరుపుకుంటున్న ఈ శుభ తరుణంలో. మనం కేవలం అబ్దుల్ కలాం ని స్మరించుకుంటే సరిపోదు. ఆయన చూపిన బాటలో నడవడానికి కొన్ని నిశ్చయాలు చేసుకోవాలి: కలలు కనడం ఆపకూడదు. ఎంత పెద్ద లక్ష్యమైనా సరే, దాన్ని సాధించే వరకు విశ్రమించకూడదు. ప్రశ్నించే తత్త్వాన్ని పెంచుకోవాలి.గుడ్డిగా అనుసరించకుండా, ప్రతీ విషయాన్ని శాస్త్రీయ దృక్పథంతో పరిశీలించాలి. సమాజానికి తిరిగివ్వాలి మనం ఎదిగిన తర్వాత, మన చుట్టూ ఉన్న సమాజపు అభ్యున్నతికి తోడ్పడాలి. అబ్దుల్ కలాం భౌతికంగా మన మధ్య లేకపోయినా, ఆయన వెలిగించిన జ్ఞానజ్యోతి ప్రతి విద్యార్థి హృదయంలో కొంటె ఆశగా, ఉజ్వల భవిష్యత్తుగా సదా వెలుగుతూనే ఉంటుంది. రండి, ఆయన ఆశయాలను నిజం చేద్దాం. మన దేశాన్ని మరో శిఖరానికి చేరవేద్దాం. ఈ అక్టోబర్ 15న, ఆ మహనీయుని ఆశయాలను స్మరిస్తూ. మనలోని కలను తట్టిలేపుదాం. దేశ భవిష్యత్తును మన చేతుల్లోకి తీసుకునే ప్రతిన పూనుదాం. అని ఆయన అన్నారు.