జ నం న్యూస్ నవంబర్ 2 తెలంగాణ స్టేట్ ఇంచార్జ్ శ్రీనివాస్ రెడ్డి హరిహర సుతుడు అయ్యప్ప స్వామి సేవలో భాగంగా భక్తి, భక్తిశ్రద్ధలతో నిర్వహించే అన్నదాన కార్యక్రమం కూకట్‌పల్లి నియోజకవర్గంలోని కేపీహెచ్‌బీ కాలనీ రోడ్ నంబర్‌ 2లో ఆదివారం వైభవంగా ప్రారంభమైంది. ఈ కార్యక్రమానికి జనసేన పార్టీ రాష్ట్ర జాయింట్ కమిటీ కన్వీనర్ ముమ్మారెడ్డి ప్రేమ్‌కుమార్‌తో పాటు సినీ నటులు శ్రీకాంత్, ప్రభాకర్ ముఖ్య అతిథులుగా హాజరయ్యారు.జనవరి 1 వరకు నిరంతర అన్నదానంఅయ్యప్ప స్వాముల దీక్షా కాలాన్ని పురస్కరించుకుని నవంబర్ 1, 2026 నుంచి జనవరి 1, 2027 వరకు నిరంతరాయంగా అన్న సమారాధన నిర్వహించనున్నారు. మొదటిరోజు అన్నదాన కార్యక్రమాన్ని ముమ్మారెడ్డి ప్రేమ్‌కుమార్ సౌజన్యంతో నిర్వహించారు. ఈ సందర్భంగా ఆయన స్వయంగా అన్నదాన కార్యక్రమంలో పాల్గొని అయ్యప్ప స్వాములకు భోజనం వడ్డించారు.అయ్యప్ప స్వాములకు సేవ చేయడం ఎంతో పవిత్రమైన బాధ్యత అని, భక్తితో చేపట్టే సేవా కార్యక్రమాలు సమాజంలో ఆధ్యాత్మిక భావనను, సేవా దృక్పథాన్ని పెంపొందిస్తాయని ఈ సందర్భంగా ముమ్మారెడ్డి ప్రేమ్‌కుమార్ పేర్కొన్నారు. అయ్యప్ప స్వాముల ఆశీస్సులు సమాజ శ్రేయస్సుకు దోహదపడతాయని అన్నారు.భక్తిశ్రద్ధలతో అన్న సమారాధనఅయ్యప్ప స్వాముల దీక్షా కాలంలో భక్తులకు అన్నదానం చేయడం విశిష్టమైన సేవగా భావిస్తారు. ఈ నేపథ్యంలో కేపీహెచ్‌బీ కాలనీలో ఏర్పాటు చేసిన అన్న సమారాధన కార్యక్రమానికి స్థానిక నాయకులు, అయ్యప్ప భక్తులు, స్వాములు పెద్ద సంఖ్యలో హాజరయ్యారు. భక్తులకు అన్నదానం అందిస్తూ కార్యక్రమాన్ని భక్తి వాతావరణంలో నిర్వహించారు.ఈ కార్యక్రమంలో కొల్లా శంకర్, శ్రీనివాస గోవిందా, పాదం సూర్య, బండారి రమేష్, సుభాష్ తదితర స్థానిక నాయకులతో పాటు అయ్యప్ప భక్తులు పాల్గొన్నారు.