జనం న్యూస్ నవంబర్ 3 అనకాపల్లి జిల్లా రిపోర్టర్ కృష్ణ రిజర్వేషన్ వర్గాల హక్కులకు భంగం కలిగేలా జిల్లా కలెక్టర్ వ్యవహరించడంపై రిజర్వేషన్ ప్రొడక్షన్ ఫోర్స్ ఆఫ్ ఇండియా ప్రతినిధులు తప్పుపట్టారు ఈ సందర్భంగా అధ్యక్షులు గుడాల సత్యనారాయణ ముదిరాజ్ మాట్లాడుతూ అనకాపల్లి మండలంలో గల 26 పంచాయతీల ఎన్నికలకు గత నెల 15వ తేదీన జిల్లా కలెక్టర్ సర్కులర్ నెంబర్ 86 ప్రకారం గేజిట్ నోటిఫికేషన్ ద్వారా రిజర్వేషన్లను ప్రకటించారని, ఆయా పంచాయతీల యొక్క నోటిఫికేషన్ ప్రకారం ఎన్నికల్లో పోటీ చేసేందుకు ఆయా వర్గాలు సిద్ధమయ్యారని మరల రాజకీయపార్టీల నాయకుల ఫిర్యాదు మేరకు నోటిఫికేషన్ సవరించామని స్వయంగా జిల్లా కలెక్టర్ ప్రకటించడం ఎన్నికలను రిజర్వేషన్ వర్గాల హక్కులను హరించడమేనని అన్నారు, కలెక్టర్ చర్యలు రిజర్వేషన్ వర్గాలకు అన్యాయం చేయడమేనని ఇలాంటి చర్యలు చేపట్టడం విచారకరమని ఒక్కసారి జారీ చేసిన నోటిఫికేషన్ మార్చే అధికారం కలెక్టర్ కు లేదని ఇలాంటి రాజ్యాంగ విరుద్ధ చర్యలు చేపట్టిన కలెక్టర్ ను, ఇందులో భాగస్వామిగా ఉన్న అధికారులపై ప్రభుత్వం చర్యలు తీసుకొని వెంటనే విధులనుండి తొలగించాలని డిమాండ్ చేశారు, ఈ సమావేశంలో షెడ్యూల్ కులాల పరిరక్షణ సమితి వ్యవస్థాపక అధ్యక్షులు బోని గణేష్ ప్రధాన కార్యదర్శి మైలపల్లి పోతురాజు, బీసీ నాయకులు కండుబోతు సత్తిబాబు తదితరులు పాల్గొన్నారు