జనం న్యూస్ సెప్టెంబర్ 10 ముమ్మిడివరం ప్రతినిధి గ్రంధి నానాజీ డాక్టర్ బి.ఆర్ అంబేద్కర్ కోసం జిల్లా కోనసీమ జిల్లా అమలాపురం నియోజవర్గం ఉప్పలగుప్తం మండలం సింగరాయపాలెం గ్రామానికి చెందిన జంపన సూర్యనారాయణ రాజు 26వ వర్ధంతి సందర్భంగా ఆ గ్రామంలో ఉచిత మెగా వైద్య శిబిరాన్ని ఏర్పాటు చేశారు. లయన్ జంపన సుమన్ వర్మ ఆధ్వర్యంలో నిర్వహించిన ఈ శిబిరాన్ని అమలాపురం ఎంపీ హరీష్ బాలయోగి ప్రారంభించారు. ముందుగా కుటుంబ సభ్యులతో కలిసి సూర్యనారాయణ రాజు విగ్రహానికి పూలమాలలు వేసి ఘనంగా నివాళులర్పించారు. అనంతరం శిబిరంలో అందిస్తున్న వైద్య సేవలు, వైద్య పరీక్షల గురించి ఆసుపత్రి సిబ్బందిని అడిగి తెలుసుకున్నారు. ఇలాంటి సేవా కార్యక్రమాలు ఏర్పాటు చేయడం అభినందనీయమని పేర్కొంటూ వైద్య శిబిరాన్ని ఏర్పాటు చేసిన కుటుంబ సభ్యులను ఎంపీ హరీష్ అభినందించారు.