జనం న్యూస్ ;3 సెప్టెంబర్ గురువారం : సిద్దిపేట నియోజికవర్గ ఇన్చార్జి వై. రమేష్: శ్రీకృష్ణ జన్మాష్టమిని పురస్కరించుకుని సిద్దిపేట భారత్ నగర్ లోని శ్రీవాణి స్కూల్లో కృష్ణాష్టమి వేడుకలను గురువారం రోజున ఘనంగా నిర్వహించారు. ఈ సందర్భంగా విద్యార్థులు సంప్రదాయ దుస్తులు ధరించి ఉత్సాహంగా వేడుకల్లో పాల్గొన్నారు.కృష్ణాష్టమి వేడుకల్లో భాగంగా విద్యార్థులు కృష్ణుడు, గోపికల వేషధారణలో ఆకట్టుకున్నారు. 120 మందికి పైగా విద్యార్థులు వేషధారణలతో పాల్గొని కార్యక్రమానికి ప్రత్యేక ఆకర్షణగా నిలిచారు. అలాగే విద్యార్థులు ఉట్టి కొట్టే కార్యక్రమంలో ఉత్సాహంగా పాల్గొని సందడి చేశారు.ఈ సందర్భంగా పాఠశాల డైరెక్టర్ సి.హెచ్ సత్యం మాట్లాడుతూ శ్రీకృష్ణుడి జీవితం, ఆయన బోధించిన ధర్మం, సత్యం, కర్తవ్యనిష్ఠ వంటి విలువలను విద్యార్థులు ఆదర్శంగా తీసుకోవాలని సూచించారు. పండుగల ద్వారా మన సంస్కృతి, సంప్రదాయాలను చిన్నారులకు పరిచయం చేయడం ఎంతో అవసరమని అన్నారు.ఈ కార్యక్రమంలో పాఠశాల ప్రిన్సిపాల్ , ఉపాధ్యాయులు, విద్యార్థులు, తల్లిదండ్రులు తదితరులు పాల్గొన్నారు.