Listen to this article

జనం న్యూస్- నవంబర్ 27- నాగార్జునసాగర్ టౌన్ రిపోర్టర్-

నాగార్జునసాగర్ నందికొండ మున్సిపాలిటీ పరిధిలో నెలకొన్న సమస్యలను త్వరితగతిన పరిష్కరించాలంటూ సమాచారహక్కు మానవహక్కు లా సమితి సభ్యులు నందికొండ మున్సిపాలిటీ కమిషనర్ కు వినతి పత్రం అందజేశారు.సమాచారహక్కు మానవహక్కు లా సమితి రాష్ట్ర కోశాధికారి గొట్టిముక్కల శివశంకరా చారి మాట్లాడుతూ నందికొండ మున్సిపాలిటీ పరిధిలో గత కొంతకాలంగా కోతుల బెడద అధికమైందని, కోతుల వలన ప్రజలు తీవ్ర ఇబ్బందులకు గురవుతున్నారని, నందికొండ మున్సిపాలిటీ లో నిర్మించిన పబ్లిక్ టాయిలెట్స్ ను వెంటనే వినియోగంలోకి తీసుకురావాలని, మూలనపడ్డ చెత్త సేకరణ వాహనాలను తక్షణమే వినియోగంలోకి తీసుకురావాలని, పారిశుద్ధ్య కార్మికులకు రావలసిన ఐదు నెలల జీతభత్యాలను సైతం త్వరితగతిన అందించాలని తమ సంస్థ తరఫున నందికొండ మున్సిపల్ కమిషనర్ చింత వేణుకు వినతి పత్రం అందజేశామని తెలిపారు. ఇట్టి విషయమై మున్సిపల్ కమిషనర్ సానుకూలంగా స్పందించి కోతుల నివారణకు తీసుకోవాల్సిన చర్యలపై ఉన్నత అధికారులకు నివేదిక సమర్పిస్తామని, మున్సిపల్ ఆఫీస్ లో నిర్మించిన పబ్లిక్ టాయిలెట్స్ ను సైతం త్వరితగతిన అందుబాటులోకి తెస్తామని, చెత్త సేకరణ వాహనాలను కూడా అందుబాటులోకి తీసుకువస్తామని ఆయన తెలిపారు.పారిశుద్ధ్య కార్మికులకు అందవలసిన ఐదు నెలల జీతాల విషయమై స్థానిక శాసనసభ్యులు కుందూరు జైవీర్ రెడ్డికి పారిశుద్ధ్యకార్మికులతో కలిసి వినతి పత్రం అందజేశామని ఆయన ఉన్నతాధికారులతో మాట్లాడి కార్మికులకు జీతాలు ఇప్పిస్తామని హామీ ఇచ్చారన్నారు. ఈ కార్యక్రమంలో సమాచార హక్కు మానవ హక్కు ల సమితి రాష్ట్ర కోశాధికారి జి శివశంకరాచారి, దాసిరెడ్డి శ్రీనివాస్ రెడ్డి, జి బద్రి తదితరులు పాల్గొన్నారు.