జనం న్యూస్- నవంబర్ 27-
నాగార్జునసాగర్ టౌన్ రిపోర్టర్- నాగార్జునసాగర్ నందికొండ మున్సిపాలిటీ పరిధిలో తెలంగాణ అర్బన్ ఫైనాన్స్ ఇండస్ట్రీ డెవలప్మెంట్ కార్పొరేషన్ కోటి రూపాయల నిధులతో నిర్మిస్తున్న 1000 మీటర్ల సిసి రోడ్డు నిర్మాణ పనులను పరిశీలించిన మాజీ కౌన్సిలర్ రమేష్ జి. బుధవారం నాడు ఐదవ వార్డు బ్యాంకు రోడ్డులో నిర్మిస్తున్న సిసి రోడ్డు పనులను స్థానిక నాయకులతో కలసి పరిశీలించి రోడ్డు నిర్మాణంలో నాణ్యత ప్రమాణాలను పాటించాలని, టెండర్లో సూచించిన కొలతల ప్రకారమే సిసి రోడ్డును నిర్మించాలని సదరు కాంట్రాక్టర్ ను కోరినట్లుగా ఆయన తెలిపారు. ఈ కార్యక్రమంలో ఆయన వెంట మాజీ కౌన్సిలర్ మంగతా నాయక్, వర్తక సంఘం నాయకులు నజీర్, యువజన కాంగ్రెస్ నాయకులు బాలాజీ నాయక్, ఎర్రబోయిన సురేష్, భూషరాజుల కృష్ణ, బిఆర్ఎస్ నాయకులు పిట్టా సైదులు, కారంపూడి విష్ణుమూర్తి తదితరులు పాల్గొన్నారు.