జనం న్యూస్ నవంబర్ 28 కూకట్పల్లి ప్రతినిధి శ్రీనివాస్ రెడ్డి
కెపిహెచ్బి కాలనీ శ్రీ లక్ష్మీ గణపతి దేవాలయం, లో భక్తిశ్రద్ధల మధ్య హరిహరపుత్ర శ్రీ అయ్యప్ప స్వామి వారి మహా పడిపూజ మహోత్సవాలు వైభవంగా నిర్వహించబడినాయి.బీజేపీ రాష్ట్ర కార్యవర్గ సభ్యులు వడ్డేపల్లి రాజేశ్వరరావు గురుస్వామి మిత్రులు భీమా గౌడ్, స్వాముల ఆహ్వానం మేరకు, ఈ మహోత్సవాలలో పాల్గొని అయ్యప్ప స్వామి వారి దివ్య దర్శనం గావించారు. కార్యక్రమ నిర్వాహకులు రాజేశ్వరరావు ని ఘనంగా సన్మానించారు.అనంతరం రాజేశ్వరరావు గురుస్వామి మాట్లాడుతూ అయ్యప్ప స్వామి భక్తి మనలో నియమం, నిబద్ధత, సేవాభావం వంటి విలువలను పెంపొందిస్తుంది. భక్తిరసంతో జరిగే ఇలాంటి పవిత్ర మహోత్సవాలు మన సమాజానికి ఏకత్వం, సౌభ్రాతృత్వం అందిస్తూ సమాజ నిర్మాణానికి మార్గదర్శకంగా నిలుస్తాయి. మన యువతలో సంస్కారాలను, పెద్దల పట్ల గౌరవ భావాన్ని పెంపొందించే శక్తి ఈ పడిపూజలలో ఉంది. అయ్యప్ప స్వామి ఆశీస్సులతో ప్రతి కుటుంబం ఆరోగ్యం, ఐశ్వర్యం, శాంతితో నిండిపోవాలని కోరుకుంటున్నాను ఈ కార్యక్రమంలో పెద్ద సంఖ్యలో భక్తులు పాల్గొని మహోత్సవాన్ని విజయవంతం చేశారు.