జనంన్యూస్. 28.నిజామాబాద్ రూరల్,
సిరికొండ మండలం చీమనపల్లి గ్రామంలో రాజకీయ వేడి పెరిగింది. బిఆర్ఎస్, బిజెపి కీలక నాయకులు సహా 50 మంది ఒక్కసారిగా కాంగ్రెస్ పార్టీలో చేరి గ్రామ రాజకీయాల్లో కొత్త సందేశం ఇచ్చారు. నిజామాబాద్ రూరల్ క్యాంప్ కార్యాలయంలో రూరల్ ఎమ్మెల్యే డాక్టర్ భూపతి రెడ్డి కండువా కప్పి వారిని ఘనంగా పార్టీలోకి ఆహ్వానించారు. రూరల్ ఎమ్మెల్యే భూపతి రెడ్డి మాట్లాడుతూ “కాంగ్రెస్ పేదల పార్టీ. అందిస్తున్న సంక్షేమ పథకాలతో రాష్ట్రవ్యాప్తంగా ప్రజలు, నాయకులు మా వైపు ఆకర్షితులవుతున్నారు” అని అన్నారు. ఇందిరమ్మ ఇండ్లు, ఉచిత రేషన్ కార్డు, ఉచిత సన్న బియ్యం, 200 యూనిట్ల ఉచిత కరెంటు, మహిళలకు వడ్డీ లేని రుణాలు, రైతు బీమా, రుణమాఫీ, రైతు భరోసా వంటి పథకాలే కాంగ్రెస్ బలోపేతానికి కారణమని పేర్కొన్నారు.
గత ప్రభుత్వాలు కమిషన్ల రాజకీయాలు చేసి ప్రజలకు న్యాయం చేయలేదని విమర్శించిన ఎమ్మెల్యే, రాబోయే చీమన్‌పల్లి సర్పంచ్ ఎన్నికల్లో కాంగ్రెస్ అభ్యర్థిని భారీ మెజార్టీతో గెలిపించాలని పార్టీ కార్యకర్తలకు పిలుపునిచ్చారు.నిజామాబాద్ రూరల్ ఎమ్మెల్యే భూపతి రెడ్డి సమక్షంలో,గ్రామ శాఖ అధ్యక్షుడు ఏనుగు రాజేందర్ నేతృత్వంలో క్యాతం జలంధర్ రెడ్డి, ఏలేటి బాపురెడ్డి, కాటిపల్లి నడిపి గంగారెడ్డి, మాలవత్ లింబాద్రి, మాలవత్ భూపతి, బంతిలాల్, స్వరాజి, మాలవత్ మదన్‌లాల్, ముఖ్కి తిరుపతి, నాగపురం మహేందర్, సాయిలు, మల్లేష్, ఏనుగు రాజారెడ్డి, గొళ్లెం నరసయ్య, శేఖర్ తదితరులు కాంగ్రెస్ కండువా కప్పుకున్నారు.కార్యక్రమంలో పిసిసి ప్రధాన కార్యదర్శి భాస్కర్ రెడ్డి, రామచందర్ రెడ్డి, ఎర్రన్న, మండల అధ్యక్షుడు రవి తదితరులు పాల్గొన్నారు.