కీర్తిశేషులు కురుమయ్య దేవేందర్రావు జయంతి సందర్భంగా ఘన నివాళులువైష్ణవి నగర్లో నిర్వహించిన కార్యక్రమంలో పాల్గొన్న బీజేపీ రాష్ట్ర సీనియర్ నాయకులు వడ్డేపల్లి రాజేశ్వరరావు
జనం న్యూస్ జూన్ 21 తెలంగాణ స్టేట్ ఇంచార్జ్ శ్రీనివాస్ రెడ్డి వైష్ణవి నగర్లో కీర్తిశేషులు కురుమయ్య దేవేందర్రావు (మాజీ కౌన్సిలర్) జయంతి సందర్భంగా ఆదివారం ఘనంగా నిర్వహించిన స్మారక కార్యక్రమంలో బీజేపీ రాష్ట్ర సీనియర్ నాయకులు వడ్డేపల్లి రాజేశ్వరరావు పాల్గొని, దేవేందర్రావు విగ్రహానికి పూలమాలలు వేసి నివాళులర్పించారు. ఈ సందర్భంగా ఆయన సేవలను స్మరించుకుంటూ పలువురు నేతలు, అభిమానులు భావోద్వేగంగా నివాళులు అర్పించారు.ఈ సందర్భంగా మాట్లాడిన వడ్డేపల్లి రాజేశ్వరరావు, స్వర్గీయ దేవేందర్రావు ప్రజలకు చేసిన సేవలు, సమాజాభివృద్ధికి అందించిన సహకారం చిరస్మరణీయమని పేర్కొన్నారు. ప్రజల పట్ల ఆయనకు ఉన్న అంకితభావం, సేవా దృక్పథం నేటి తరానికి ఆదర్శంగా నిలుస్తాయని అన్నారు. ప్రజా సమస్యల పరిష్కారంలో ఆయన చూపిన చొరవ, అందరితో కలిసిమెలిసి పనిచేసిన తీరు ఎప్పటికీ మరువలేనిదని పేర్కొన్నారు.అలాగే దేవేందర్రావుతో తనకు ఉన్న అనుబంధ జ్ఞాపకాలను గుర్తు చేసుకుంటూ, ఆయన సరళ స్వభావం, సేవా తపన సమాజంలో ప్రత్యేక గుర్తింపును తెచ్చిపెట్టాయని రాజేశ్వరరావు అన్నారు.కార్యక్రమంలో దేవేందర్రావు కుటుంబ సభ్యులతో పాటు కే. సుదర్శన్రావు, కే. ఆనందరావు, వాసుదేవరావు, భాస్కరరావు, సురేష్రావు, స్థానిక నాయకులు, అభిమానులు, కార్యకర్తలు పెద్ద సంఖ్యలో పాల్గొని స్వర్గీయ దేవేందర్రావుకు ఘన నివాళులు అర్పించారు.ఈ సందర్భంగా వైష్ణవి నగర్ పరిసర ప్రాంతాల్లో దేవేందర్రావు సేవలను గుర్తు చేసుకుంటూ పలువురు స్థానికులు ఆయన జ్ఞాపకాలను స్మరించుకోవడం విశేషంగా నిలిచింది.